Triseĝa monto

Triseĝa monto (germane: Dreisesselberg, ĉeĥe: Třístoličník) estas monto en Šumava, kies montopintaj partoj situas en Bavario proksime de ĉeĥa-germana limo. Ĝi troviĝas 5 kilometrojn sudoriente de municipo Haidmühle en landa distrikto Freyung-Grafenau kaj 8 km sude de la ĉeĥa Stožec. La monto havas supermaran altecon 1333 metrojn. Granitaj rokoj sur pinto de Triseĝa monto estas envicigitaj en listo de "100 la plej belaj geotopoj de Bavario“.

Triseĝa monto
germane: Dreisesselberg, ĉeĥe: Třístoličník
monto
La plej alta montopinto de masivo Dreisesselberg – Hochstein (1333 m)
Oficiala nomo: Dreisesselberg / Třístoličník
Landoj	Germanio,  Ĉeĥio (sole orienta deklivo en Ĉeĥio)
Federacia lando	Bavario
Montaro	Šumava Trojmezenská hornatina Plešská hornatina Plešský hřbet Třístoličnická část
Akvejo	Vultavo, Danubo
Situo	Triseĝa monto
- alteco	1 333 m s. m.
- koordinatoj	48° 47′ 05″ N 13° 48′ 09″ O (mapo)
Geologia konsisto	granito
Horzono	MET (UTC+1)
- somera tempo	MET (UTC+2)
Situo enkadre de Bavario Situo enkadre de Bavario
Situo rilate al Ĉeĥio Situo rilate al Ĉeĥio
Vikimedia Komunejo: Dreisesselberg
Portalo pri Geografio

La nomo de monto

La germana nomo Dreisesselstein, pli poste Dreisesselberg estis donita al la monto laŭ proksima trilanda punkto (3 km oriente), kie de antaŭ longe kontaktiĝas limoj de Bohemio, Bavario kaj Aŭstrio. La ĉeĥa nomo Třístoličník estas novepoka traduko de la germana nomo. Oni uzis ankaŭ nomoj Třízubec aŭ Říruřec. Laŭ legendo sur tri ŝtonaj seĝoj kunvenadis regantoj de la tri menciitaj landoj.

Montopinto

Johann-Nepomuk-Neumann-Gedenkkapelle (sub la norda ĉefa montopinto)

Kabano kaj restoracio Berggasthof Dreisessel

Ŝtonaj ŝtupoj al rokformacio Dreisesselfelsen (la suda apuda montopinto)

La montopintaj partoj de Triseĝa monto estas kreataj de rondigita montodorso plilongigita de nordo al sudo en longeco 500 m kun multaj granitaj rokformacioj (turetoj kaj simile), kiuj estiĝis pro eroziado. Maksimuman altecon 1333 m atingas sur nordo de la montodosrso monto Hochstein, sub kiu troviĝas kapelo de episkopo Neumann (Bischof-Neumann-Kapelle; konsekrita al ĉeĥa naskiĝinto, misiisto en Usono kaj la unua nordamerika sanktigito) el la jaro 1980. La suda apuda montopinto kun rokgrupo Dreisesselfels havas supermaran altecon 1311 m. Estas de tie bona rondbelvido krom alia en Bavarion kaj dum bona videbleco eĉ al Alpoj. Dum bonaj kondiĉoj eblas observi eĉ 206 km malproksiman Grossglockner.

Pri la longdistanca rondvido el Triseĝa monto al alpa ĉeno de Pinzgau ĝis malsupraaŭstria montaro Schneeberge verkis jam en la jaro 1867 Adalbert Stifter en sia lasta verko Aus dem bayrischen Walde. Ĉe Dreisesselfels situas montara kabano Berggasthof Dreisessel kun restoracio. Ĉe la kabano situadis limbudo, kiu en la jaro 2016 komplete forbrulis. La ĉeĥa teritorio (katastra teritorio Nová Pec) ne atingas en la montopintajn partojn de Triseĝa monto – ĝia plej alta punkto estas angulo de limo de limŝtono n-ro 14 en alteco 1302 m s. m. en rekta distanco 30 m de la suda apuda montopinto.

Ĉirkaŭaĵo

Sur la norda deklivo komenciĝas floskanalo de Schwarzenberg. Ekde la montopinto de Triseĝa monto direkte al sudoriento tiriĝas karakteriza montodorso, sur kiu situas ankaŭ Trojmezná (1361 m) kaj la plej alta monto de la ĉeĥa parto de Šumava Plechý (1378 m). La ĉeĥa flanko de tiu ĉi limregiona montodosro inkluzive de deklivoj de Triseĝa monto estas protektata kiel naturmemorindaĵo Trojmezná hora.

Vidu ankaŭ

• Pleĥa lago
• Plechý
• Trilanda punkto inter Aŭstrio, Ĉeĥio kaj Germanio

Eksteraj ligiloj

• Třístoličník na webu o státních hranicích a pohraniční turistice
• Bildoj, sonoj kaj videoj pri temo Triseĝa monto en Vikimedia Komunejo