Uvula trilo voĉa

La uvula trilo voĉa estas voĉa konsonanto uzata en kelkaj lingvoj. Ĝia IFA-simbolo estas [ʀ]; en SAMPA, R\.

	[aRa] Ekzemplo pri prononco
Ĉu problemoj aŭdigi ĉi tiun dosieron? Vidu helpon.

Priskribo

• Ĝia artikulacio estas vibra, t.e. ĝi estas produktata per vibrado de la artikulacia organo.
• Ĝia artikulacia organo estas uvulo, ĝi estas artikulaciata per la langodorso kaj la palata velo.
• Ĝi estas voĉa konsonanto.
• Ĝi estas buŝa (la aero eliras nur per la buŝo).
• Ĝi estas centra (la aerfluo pasas meze super la lango, ne flanke).
• Ĝi estas pulma (la aerfluon produktas la pulmoj).

Ekzemploj nacilingvaj

France

Nuntempe [ʀ] ne estas uzata en la norma (Pariza) sonsistemo franca (la norma realigo de la franca fonemo /r/ estas la uvula frotsono voĉa [ʁ]); ĝi tamen estas uzata dialekte kaj populara inter la famaj francaj kantistoj (almenaŭ en kantado), ekz-e Georges Brassens, Jacques Brel, Jean Ferrat, Édith Piaf, Barbara, Charles Aznavour.

Ĝermane

[R] estas unu el la normaj realigoj de la fonemo /r/ (ekz-e en rot [ʀo:t]). Same en jido.

Simile en la lingvoj dana, nederlanda, sveda.