Vladimir Klimov

soveta konstruisto de aviadilaj motoroj

Vladimir Jakovleviĉ KLIMOV (ruse Владимир Яковлевич Климов; naskiĝis la 11-an de julio[jul.]/ 23-an de julio 1892[greg.] en Moskvo; mortis la 9-an de septembro 1962 samurbe) estis soveta konstruisto de aviadilaj motoroj.

Vladimir Klimov
Persona informo
Naskiĝo 11-an de julio 1892 (1892-07-11)
en Moskvo, Moskva gubernio,  Rusia Imperio
Morto 9-an de septembro 1962 (1962-09-09) (70-jaraĝa)
en Moskvo, Rusia Soveta Federacia Socialisma Respubliko,  Sovetunio
Tombo Novodeviĉje tombejo
Ŝtataneco Rusia ImperioSovetunio
Alma mater Moskva Ŝtata Teknika Universitato • Teknika Instituto "Komissarov" en Moskvo
Okupo
Okupo politikisto • aerokosma inĝeniero
vdr

Post enpotenciĝo de la bolŝevikoj, Klimov iĝis en 1918 docento en la Moskva Teknika Altlernejo kaj same en la Ŝukovski-a militara avia akademio. Li agadis ankaŭ kiel avia inĝeniero en kelkaj avioproduktaj uzinoj kaj en esplorinstitutoj.

Li veturis plurfoje eksterlenden por aĉeti licenajn rajtojn por diversaj aviomotoroj. Tiel li aĉetis en 1924 en Germanio 100 BMW-motorojn kaj akiris rajton por kopikonstruo de franca Hispano-Suiza-motoroj, same kiel en 1928 de Gnome-Rhône-motoroj, el kiuj li aĉetis ankoraŭ 200 ekzemplerojn. De 1925 ĝis 1930 laboris li pri evoluigo de diversaj stelmotoroj.

Post spertoj akiritaj dum veturo en Francio de 1933, li fondis en 1935 en Sankt-Peterburgo la OKB-117, evoluigan buroon de aviomotoroj. Klimov iĝis ĉefkonstruktoro de la buroo kaj tie evoluigis la motoron M-100, uzitan en SB-2.

Lia plej granda sukceso estis tiutempe la evoluigo de seria motoro M-105, kiu estis uzata dum la dua mondmilito (Jer-2, Pe-2, LaGG-3, Jak-1M, Jak-3, Jak-7, Jak-9PD).

Post la dua mondmilito, lia teamo okupiĝis pri jetmotoroj sur bazo de la brita Rolls-Royce-turbino Derwent kaj Nene.

Li estis kvinfoja posedanto de Lenin-ordeno, dufoje de Heroo de Socialisma Laboro, kvarfoje de ŝtatpremioj kaj membro de Akademio de Sciencoj de Sovetunio. La entrepeno Klimov, produktanto de aviadilaj motoroj, portas eĉ hodiaŭ lian nomon.