Your Sinclair

Your Sinclair aŭ plisimple YS estis brita komputila magazino dediĉita al la persona komputilo Sinclair ZX Spectrum. Ĝi estis komence publikigita de Dennis Publishing kaj ekde 1990 de Future plc dum pluraj jaroj. La vivdaŭro de ĉi tiu revuo etendiĝis de decembro 1983 ĝis septembro 1993.

Your Sinclair
revuo
Periodeco	Ĉiumonata
Lando	Britio
Publikigisto	Dennis Publishing Future plc
Establodato	1984
Ĉesigita publikado	1993
ISSN	0269-6983
Retejo

Ĝi estis lanĉita sub la nomo Your Spectrum, kiu rapide estis ŝanĝita. Entute estis publikigitaj 93 numeroj.

Enhavo

La enhavo de YS variis vaste, foje tute ignorante la temon de komputiloj. Dum la komunumo rilate al ZX Spectrum malkreskis kaj estis malpli da recenzeblaj programaroj, tio okazis pli ofte. La tono de la revuo estis inspirita de adoleskaj revuoj kiel Smash Hits kaj Just Seventeen. En 1992, kiam Andy Hutchinson estis ĉefredaktisto, pluraj 'vivstilaj' sekcioj estis enkondukitaj. Tiuj inkluzivis Haylp!, kolumnon pri la petoj de legantoj, kaj The World (poste renomita Flip!), kiu enhavis recenzojn de filmoj kaj libroj. Ĉi tiu sekcio inkluzivis The Killer Kolumn From Outer Space, dediĉita al novaĵoj, onidiroj kaj recenzoj pri sciencfikcio. Ĝi estis verkita de Dave Golder, kiu poste fariĝis la dua redaktoro de la sukcesa revuo SFX. Verkante la 100-an numeron de tiu eldonaĵo, Golder menciis sian pli fruan laboron pri YS kaj priskribis SFX kiel "kvazaŭ centoj da Killer Kolumns staplitaj kune". Flip! estis nuligita, sed la Killer Kolumn estis konservita ĝis la antaŭlasta numero en 1993.

En la unuaj numeroj, kiel en multaj aliaj magazinoj revuoj de la sektoro, oni ofte trovis tre simplajn BASIC-programojn (preskaŭ ĉiam mini-ludojn aŭ ruzojn) mane kopieblajn al la komputilo de la leganto. La revuo eĉ proponis kursojn por lerni BASIC.