Cervia

Cervia - en pluraj dokumentoj, aparte pri la Internaciaj Junularaj Festivaloj de Itala Esperantista Junularo, esperantlingve nomata Ĉervjo - estas komunumo de Italio. Ĝi apartenas al la provinco Raveno kaj la regiono Emilio-Romanjo. Fine de 2023 en la komunumo vivis 28 983 loĝantoj. Najbaraj komunumoj estas Cesena (FC), Cesenatico (FC) kaj Raveno.

Cervia
komunumo de Italio vd
Ĝemelurboj Aalen • Beluno • Maono • Jelenia Góra vd
Ŝtato	Italio
Regiono	Emilio-Romanjo
Provinco	RA Raveno
Geografia situo	44° 15′ N, 12° 22′ O (mapo)44.2512.366666666667
Alto super marnivelo	3 m
Areo	82 km²
Loĝantaro	28 983 (2023)
Loĝdenso	352 loĝantoj/km²
Subdividaĵoj	Cannuzzo, Castiglione, Milano Marittima, Montaletto, Pinarella, Pisignano, Savio, Tagliata, Tantlon, Terme kaj Villa Inferno
Najbaraj komunumoj	Cesena (FC), Cesenatico (FC) kaj Raveno
Patrono	Sankta Paterniano
Festa tago	13-a de novembro
Nomo de loĝantoj	cervesi
Poŝtkodo	48015
Imposta kodo	C553
Kodo laŭ ISTAT	039007
Telefona prefikso	0544
Estro
Retpaĝo	Oficiala retejo

La historio de Cervia estas ligita al produktado de salo. La salproduktejoj ŝajne jam funkciis dum la etruska epoko kaj certe jam estis firme establiĝintaj dum la romia epoko. Verŝajne ekzistis loĝejoj, aŭ eble kolonioj, por la laboristoj de la salproduktejoj, ankaŭ tiuj porsezonaj.

Ĝis la tuta romia epoko la urbo konservis sian grekan nomon, Ficocle. Ficocle estis detruita de la guberniestro Teodoro en 709 kaj poste, kun la nomo Cervia, estis konstruita kiel fortikigita urbo, ĝuste en la mezo de la salproduktejoj. En 1697 la papo Inocento la 12-a ordonis konstrui la nuntempan urbon en loko pli sana.

Cervia kaj Esperanto

Internacia Junulara Festivalo de Itala Esperantista Junularo dufoje okazis ĉi tie: unuafoje en 1991 (15-a IJF) kaj duafoje en 2012 (36-a IJF). Aldone ankaŭ la 45-a Internacia Fervojista Esperanto-Kongreso en 1993 okazis en la urbo.

Eksteraj ligiloj

• Oficiala retejo (itale)