Ĝada al-Samman
Ĝada al-Samman, ankaŭ Ghada al-Samman (arabe غادة السمان, naskiĝis en 1942 en Damasko) estas siria verkistino, ĵurnalistino, publikigistino, poetino, eldonistino kaj unu el la plej famaj siriaj verkistoj en la mondo [1] kiu depost la mezaj 1980-aj jaroj vivas en Parizo, Francio. Ŝiaj verkoj traktas, interalie, pri cionismo kaj la situacio de la palestinanoj same kiel pri la sociaj kaj politikaj problemoj en Libano. Ŝi ankaŭ estas konsiderata feminisma aŭtorino pro siaj multnombraj tekstoj, kiuj traktas socian kaj psikologian diskriminacion kontraŭ virinoj en la araba mondo. Pluraj de ŝiaj romanoj estis publikigitaj en la angla, la franca kaj la germana.
| Ĝada al-Samman | |
|---|---|
| Persona informo | |
| Naskiĝo | 1-an de januaro 1942 (82-jaraĝa) en Damasko,  Sirio
|
| Lingvoj | araba |
| Ŝtataneco | Sirio 
|
| Alma mater | Usona universitato de Bejruto Universitato de Damasko
|
| Familio | |
| Patro | Ahmed Al-Samman (en) 
|
| Okupo | |
| Okupo | ĵurnalisto poeto romanisto verkisto
|
Biografio
redaktiĜada al-Samman naskiĝis en Damasko kaj ricevis mezgradan edukadon ĉe la franca liceo en Damasko[2]. Ŝi studis anglan literaturon en la Universitato de Damasko, poste daŭrigis studi ĉe la usona universitato de Bejruto. La disertaĵo, por kiu al-Samman kolektis materialon en Londono kaj aliaj eŭropaj grandurboj, estis dediĉita al la angla literaturo[3]. En 1964, ŝi revenis al Damasko kaj komencis instrui en la Universitato de Damasko, kies rektoro tiutempe estis ŝia patro, Ahmad al-Samman[4]. Ŝi doktoriĝis ĉe Universitato de Kairo[5].
Kreado
redaktiĜada al-Samman verkis plurajn kolektojn de poezio, 6 kolektojn de noveloj, 5 romanojn kaj kelkajn ĵurnalismajn libroj kaj memorlibrojn[6]. La unua libro de Ĝada al-Samman ("Viaj okuloj estas mia destino"), estis publikigita en 1962 en Bejruto, kaj alportis al ŝi famon en la literaturaj rondoj de Sirio kaj Libano. La vera populareco de tiu libro venis post kiam Ĝada mem iĝis fama. En 1975, ŝi publikigis ŝian ĉefverkon "Bejruto '75" - romano kiu laŭ la atesto de kritikistoj kaj legantoj, ŝajnis predikti la okazaĵojn de la libana interna milito (1975-1990) [7]. Jaron poste, ŝi publikigis la libron Beirut Nightmares (Koŝmaroj de Bejruto), pri la hororoj de la interna milito pri kiu Ĝada mem povis atesti. En la 1980-aj jaroj, Ĝada al-Samman jam estis konsiderita unu el la plej bonaj nuntempaj verkistoj en la araba mondo, kaj de la 1990-aj jaroj, ŝiaj verkoj komencis aperi tradukoj de ŝiaj verkoj en angla kaj franca[8]. The Incomplete Works (1979), temas pri ŝiaj memoroj pri diversaj vojaĝoj al arabaj kaj eŭropaj landoj. La noveloj en La Kvadrata Luno (1994) baziĝas sur ŝiaj travivaĵoj en Parizo kaj la kultura konflikto kiun ŝi sentis kiel rezulto de sia vivo en ekzilo en Francio.
Verkaro
redakti- Viaj okuloj estas mia destino (عيناك قدري - 'Aynak Qadri ), 1962
- Ne estas maro en Bejruto (لا بحر في بيروت - La bahr fi Bejruto ), 1963
- Nokto de la Fremduloj (ليل الغرباء - Layl-ul-ghuraba' ), 1966
- La Morto de la Malnovaj Havenoj (رحيل المرافئ القديمة - Rachel al-marafia' al-kadima ), 1973
- Amo (حب - Hubb ), 1973
- Bejruto'75 (بيروت 75), 1976
- Mi deklaris mian amon al vi (اعلنت عليك الحب- A'alyantu 'alaika-l-hubb ), 1976
- Bejrutaj Koŝmaroj (كوابيس بيروت - Kawabis Bejruto ), 1977
- Tempo por alia amo (زمن الحب الاخر - Zaman-ul-hubb-il-ahar ), 1978
- La korpo estas vojaĝsako ( الجسد حقيبة سفر - al-Jasad haqibat safar ), 1979
- Naĝado en la Lago de Shaitan (السباحة في بحيرة الشيطان - as-Sibaha fi buheyrati-sh-Shaitan ), 1979
- Vaksa sigelo de memoro (ختم الذاكرة بالشمع الاحمر - Khatmu-z-zakira bi sham'i-l-ahmar ), 1979
- Aresto de la Eskapinta Momento (اعتقال لحظة هاربة - I'atikal lyahza khariba ), 1979
- Civitano implikita en legado (مواطنة متلبسة بالقراءة - Muvatina mutalabbi bi-l-qira' ), 1979
- La platpano batas kiel koro ( الرغيف ينبض كالقلب – ar-Ragif yanbad kal-qalb ), 1979
- Ain, Gain, rigardu pli proksime (ع غ تتفس - Ain, Gain tatafarras ), 1980
- Alarmfajfilo en mia kapo (صفارة انذار داخل رأسي - Saffarat inzar dakhil ra'si ), 1980
- Laŭvolaj Leteroj (كتبات غير ملتزمة - Kitabat geyr multazima ), 1980
- Amo de vejno al vejno ( الحب من الوريد الى الوريد - al-Hub min al-warid ila-l-warid ), 1981
- La tribo pridemandas la murditan virinon ( القبيلة تستجوب القتيلة - al-Kabilya tastajwibu-l-katilya ), 1981
- Nokto de Miliardo (ليلة مليار - Laylat milliar ), 1986
- La maro juĝas la fiŝon (البحر يحاكم سمكة - al-Bahr yuhakim samaka ), 1986
- Okupitaj Profundoj ( الاعماق المحتلة - al-A'amaq al-muhtalla ), 1987
- Atestu la Inversan Venton (اشهد عكس الريح - Ushhud 'aks ar-rih ), 1987
- La kvadrata luno, 1994
- Amanto en la Inkujo (عاشقة في المحبرة - 'Ashika fi-l-mahbara ), 1995
- Absurda romano. Damaska mozaiko, 1997
- Eterneco estas momento de amo ( الابدية لحظة حب - al-Abadiyya lahzat hubb ), 1999
- Maskerado de la Mortintoj, 2003
Referencoj
redakti- ↑ (ru) Н.М. Шуйская, «Гада ас-Самман», Азия и Африка сегодня (Gada al-Samman, Azio kaj Afriko Hodiaŭ), 2003, n-ro 4, p.63
- ↑ (ru) профайл Гады ас-Самман на сайте arabwomenwriters.com. Arkivita el la originalo je 2012-04-23. Alirita 2012-01-23 .
- ↑ (ru) Н. М. Шуйская, «Отражение социально-политической проблематики арабского общества в новеллистике Гады ас-Самман»
- ↑ (en) Sami Moubayed, Men and Women Who Shaped Syria, 1900-2000, Seattle, 2002, paĝoj 570-571.
- ↑ (ru) Профайл Гады ас-Самман на сайте arabwomenwriters.com. Arkivita el la originalo je 2012-04-23. Alirita 2012-01-23 .
- ↑ (ru) Н.М. Шуйская, «Гада ас-Самман»
- ↑ (ru) Н.М. Шуйская, "Отражение..."
- ↑ Sami Moubeyed, op. cit.