23-a Amendo al la Usona Konstitucio
La 23-a Amendo, en angla Twenty-third Amendment (Amendment XXIII) al la Usona Konstitucio etendas la rajton partopreni en prezidentaj elektoj al la Distrikto Kolumbio. Tiu amendo garantias al la elektantoj de la distrikto partoprenon en la Elekta Kolegio, kvazaŭ ĝi estus ŝtato de Usono, kvankam la distrikto neniam havis pli da elektantoj ol la malplej loĝata ŝtato. Kiel la elektantoj estas nomumitaj estas determinita de la Kongreso. La 23an Amendon proponis la 86a Usona Kongreso la 16an de Junio, 1960; ĝi estis ratifita de la postulita nombro de ŝtatoj la 29an de Marto, 1961. Tio garantiis al la distrikto tri voĉojn en la Elektantaro por la elekto de prezidento kaj vicprezidento, sed ankoraŭ ne havigante al la urbanoj reprezentadon en la Kongreso.[1]
Ekde la 1980-aj jaroj, la movado por la ŝtatigo de la Distrikto Kolumbio ege kreskiĝis kaj elstariĝis. En 2016, referendumo por la ŝtatigo de la Distrikto Kolumbio rezultis en 85% de apogo inter la voĉdonantoj de la Distrikto por ke Vaŝingtono iĝus la 51-a ŝtato de Usono. En Marto 2017, la kongresdelegito de D.K. nome Eleanor Holmes Norton enkondukis leĝproponon por la ŝtatigo de D.K. Reenkondukita en 2019 kaj en 2021 kiel Washington, D.C., Admission Act, la Usona Ĉambro de Reprezentantoj aprobis ĝin en Aprilo 2021. Post manko de progreso en la Senato, la ŝtatigan leĝproponon oni enkondukis denove en Januaro 2023.[2]
Referencoj
redakti- ↑ Twenty-third Amendment. CRS Annotated Constitution. Legal Information Institute (Cornell University Law School). Arkivita el la originalo je 30a de Aŭgusto, 2012. Alirita 28a de Aŭgusto, 2012 .
- ↑ Flynn, Meagan, "D.C. leaders herald Senate statehood bill despite steep odds", 24a de Januaro, 2023.
- Constitution of the United States.
- Kilman, Johnny and George Costello (Eds). (2000). The Constitution of the United States of America: Analysis and Interpretation.
- (1978) “When District of Columbia Representation Collides with the Constitutional Amendment Institution”, Publius 9 (1), p. 105–125. doi:10.2307/3329772.
- En tiu ĉi artikolo estas uzita traduko de teksto el la artikolo Twenty-third Amendment to the United States Constitution en la angla Vikipedio.