Galgenen

Galgenen estas komunumo en la distrikto March en Kantono Ŝvico, Svislando. Ĝi havis 4 511 loĝantojn je la 31-a de decembro 2009.

Galgenen
Blazono de Galgenen
Preĝejo de Galgenen
komunumo en Svislando
Kantono	Ŝvico
Distrikto	March
Geografia situo	CH1903: 708868 / 226723 (mapo)47.18258.875
Nombro de loĝantoj	4511
Areo	13,3 km²
Alteco	425 m super marnivelo
Poŝtkodo	8854
Komunumkodo	1342
Mapo de Galgenen

Geografio

Galgenen situas proksimume 2 kilometrojn sude de la Supra Lago de Zuriko, ĉe la okcidenta bordo de la rivero Wägitaler Aa, el fluanto de la Lago de Wägital. En oriento la komunumo limas la rivereto Spreitenbach, kiu ĉe la norda pinto de la komunumo alfaluas al Wägitaler Aa. En sudo la komunumo etendiĝas ĝis al la norda flanko de la Antaŭalpoj al alteco de 1272 m s.m. Al Galgenen apartenas krom la vilaĝo Galgenen mem la parto de la vilaĝo Siebnen, kiu situas okcidente de la rivero Wägitaler Aa, kaj la vilaĝetoj Achern, Buechli, Stöckli kaj Steinweid.

Najbaraj komunumoj

Galgenen limas en nordo al Lachen, en nordoriento al Wangen, en oriento al Schübelbach, en sudo al Vorderthal, kaj en okcidento al Altendorf.

Trafiko

Tra Glagenen pasas la grava kantona ĉefvojo n-ro 3 de Zuriko al Koiro kaj paralele al ĝi la svisa aŭtovojo A3, al kiu Galgenen disponas pri komuna alveturejo kun Lachen. Kvankam la grava fervojlinio de Zuriko al Koiro pasas meze tra la komunumo, sur ties teritorio ne situas stacidomo. La plej proksimaj stacidomoj troviĝas oriente en Lachen kaj okcidente en Siebnen sur la teritorio de la komunumo Wangen.

Historio

La unua dokumenta mencio de Galgenen datiĝas el la jaro 1229 kiel Galgênne. La pastra preĝejo Sankt-Martino kaj Nikolao unuan fojon menciiĝis en la jaro 1275. Dum mezepoko la Virina Monaĥejo Zuriko posedis bienojn en Galgnen. La jurisdikcio tiam apartenis al la Grafoj de Habsburgo-Laŭfenburgo. En la jaro 1405 Galgenen venis sub la regado de Ŝvico.

Eksteraj ligiloj

• Oficiala retejo de la komunumo Galgenen
• Galgenen en la Historia Leksikono de Svislando

Bildoj

• 
  Vilaĝocentro
• 
  Katolika Preĝejo Sankt-Martin
• 
  Kristnaska kripo en la Sankt-Martin-Preĝejo
• 
  Novkonstrusetlejo en Galgen