Alfred Mittey
Alfred MITTEY [mite'] (naskiĝis la 26-an de novembro 1873 en Parizo; mortis la 6-an de septembro 1952[1][2]) estis franca esperantisto kaj literpentristo. Li interesiĝis pri sindikataj aferoj kaj interhelpaj societoj. Li propagandis Esperanton, dum ok jaroj li gvidis kursojn en la Pariza Laborborso.
| Alfred Mittey | |
|---|---|
| Persona informo | |
| Naskiĝo | 26-an de novembro 1873 en Parizo |
| Morto | 6-an de septembro 1952 (78-jaraĝa) |
| Lingvoj | Esperanto • franca |
| Ŝtataneco | Francio |
| Okupo | |
| Okupo | esperantisto |
En 1907 li kunfondis en Parizo grupon Amicale Espérantiste de Paris kaj fariĝis komitatano.[3] En la sama jaro li fondis kun Jacques Camescasse la framasonan loĝion "Esperanto", kiu ekde 1913 apartenis al la Granda Loĝio de Francio (Grande Loge de France).[4] En januaro 1931 li kreis la ĉiulundan tagmanĝon „Agapo“ en Parizo, kunvenejon de multaj Esperantistoj. Dum la 30-a Universala Kongreso de Esperanto en 1938 li kunfondis Denaskan Esperantistaron, kies celo estis "edukigi generaciojn de dulingvaj infanoj", kaj fariĝis ties vicprezidanto.[5]
Referencoj redakti
- ↑ La framasona loĝio “Esperanto” en Parizo (2). En: Esperanta Numismatiko 6 (2019), n-ro 3, p. 15.
- ↑ Nekrologo en Esperanto : revuo internacia : oficiala organo de Universala Esperanto Asocio. Jaro 45, n. 563 (1952), p. 284
- ↑ Americale Espérantiste de Paris. En: L'Espérantiste 10 (1907), n-ro 6 (111), p. 135.
- ↑ Framasona medalo 1913–2013. En: Esperanta Numismatiko 1 (2014), n-ro 4, p. 13.
- ↑ Denaska Esperantistaro. En: Esperanto Internacia 2 (1938), n-ro 10, p. 147.
