Strigorĝa amfispizo
La Strigorĝa amfispizo aŭ Nigragorĝa amfispizo (Amphispiza bilineata) estas specio de birdo de la familio de Emberizedoj. Ĝi estas malgranda membro de la grupo de la Amerikaj paseroj troviĝanta precipe en sudokcidenta Usono kaj ĝis la centro de Meksiko (Baĥio). Ĝi estas foje nomata kiel Dezertopasero, pro sia preferata vivejo de aridaj dezertaj montetoj, makiso kaj arbustaroj, sed tiu nomo estas precipe uzata por la Dezertopasero de Afriko kaj Azio.
 | ||||||||||||||
|---|---|---|---|---|---|---|---|---|---|---|---|---|---|---|
 Strigorĝa amfispizo
| ||||||||||||||
| Biologia klasado | ||||||||||||||
| ||||||||||||||
| Amphispiza bilineata (Cassin, 1850) | ||||||||||||||
| Konserva statuso | ||||||||||||||
 | ||||||||||||||
Aliaj Vikimediaj projektoj
| ||||||||||||||
Aspekto redakti
La Strigorĝa amfispizo atingas longon de ĉirkaŭ 12 al 13 cm, kaj estas helgriza supre, blankeca sube, kun distinga nigrablanka kapobildo konsista el ampleksa blanka supraokula strio iom bordita je nigro supre kaj komence kaj ankaŭ blanka "mustaĉo"; estas nigra vertikala makulo en gorĝo kiu etendas horizontale al la supra parto de la brusto; ĝenerale, la grizo de la kapo estas pli malhela ol tiu de la dorso kaj nigra ĉe la brido. Estas blanka suba duona okulringo.
La beko estas griza kaj pli malhela en supra makzelo.
Ne estas seksa dimorfismo.
Nematurulo estas simila, sed ne havas nigran gorĝon kvankam havas nigran striecon en ventro.
Kutimaro redakti
Ties alvoko estas altatona kaj sonorileca, kaj la maskla kanto estas simpla, mekanikeca sonorilaĵo. Ili manĝas ĉefe insektojn kaj semojn, kaj formas malgrandajn arojn, kvankam tiuj povas esti pli grandaj ĉirkaŭ akvejoj en la dezerto.
Ĝi konstruas neston ne tre prilaboritan el herbotigoj kaj vegetalaj fibroj, zorge kaŝita en arbusto, el 15 al 50 cm supergrunde. La ino demetas 3 aŭ 4 helbluajn ovojn.
Notoj redakti
Referencoj redakti
- Roger Tory Peterson kaj Edward L. Chalif. 2008. Aves de México. Guía de campo. Editorial Diana, México. ISBN 978-968-13-3207-5
- Sada, A.M.; Phillips, R., y Ramos, M.A. 1984. Nombres en castellano para las aves mexicanas. Publicación de Divulgación No. 17. Instituto Nacional de Investigaciones sobre Recursos Bióticos. México. Citita de Peterson kaj Chalif (2008).
- [http://www.iucnredlist.org/details/149713/0[rompita ligilo] Amphispiza bilineata, Ruĝa Listo de IUCN, konsultita la 14-a de novembro de 2009, IUCN, en angla.
- BirdLife International (2004). Amphispiza bilineata. Internacia Ruĝa Listo de Endanĝeritaj Specioj, eldono de 2006. IUCN 2006. Elŝutita 12a Majo 2006. Malplej Zorgiga.
- David Allen Sibley, The Sibley Field Guide to Birds of Western North America. ISBN 0-679-45121-8
Eksteraj ligiloj redakti
- Strigorĝa amfispizo - Amphispiza bilineata - USGS Patuxent Birdidentigejo
- Informaro kaj fotoj de Strigorĝa amfispizo - Suddakotaj Birdoj kaj Birdumo
- Speciinformaro de la Strigorĝa amfispizo - Laboratorio Cornell de Ornitologio
