Hochdorf LU
|
- La mallongigo LU en Hochdorf LU staras por la svisa Kantono Lucerno. Por aliaj signifoj de la nomo vidu sub Hochdorf. |
Hochdorf estas svisa komunumo en Seetal en la Kantono Lucerno. Ĝi havis 8246 loĝantojn je la 31-a de decembro 2007 kaj estas la ĉefloko de la samnoma distrikto. La komunumo konsistas krom el Hochdorf mem el la vilaĝoj Ligschwil, Baldegg kaj Urswil.
| Hochdorf | |
|---|---|
 | |
| Blazono de Hochdorf | |
 | |
| Preĝejo de Hochdorf | |
| komunumo en Svislando | |
| Kantono | Lucerno |
| Distrikto | Hochdorf |
| Koordinatoj | 47° 10′ 0″ N 8° 17′ 20″ O / 47.16667 °N, 8.28889 °O (mapo)Koordinatoj: 47° 10′ 0″ N 8° 17′ 20″ O / 47.16667 °N, 8.28889 °O (mapo) |
| Areo | 10,03 km² |
| Alteco | 491 m super marnivelo |
| Poŝtkodo | 6280-6283 |
| Komunumkodo | 1031 |
 | |
Geografio redakti
La komunumo Hochdorf situas nordoriente de la Lago de Baldegg, kiu ricevis sian nomon de la komunumparto Baldegg en la tiel nomita valo Seetal [en Esperanto Lagovalo pro la du lagoj Lago de Baldegg kaj Lago de Hallwil, kiuj donis al ĝi la nomon].
Ekonomio redakti
Hochdorf troviĝas sur iama marĉareo, kiu estis sekigita kaj utiligita por agrikulturo, kiu estas la ĉefa ekonomio de la komunumo. Pro la bela lago kaj regiono ĝi ankaŭ estas ŝatata ekskurscelo por ĉefe loka turismo.
Historio redakti
La unua dokumenta mencio de Hochdorf datiĝas el la jaro 924 kiel Hodorf. Ĝis en la 14-a jarcento Hochdorf apartenis al la Grafoj de Kiburgo kaj poste al la Habsburgoj. En la jaro 1386 dum la Militoj de Sempach Hochdorf estis konkerita de la urbo Lucerno. Hochdorf fariĝis ĉefloko de la ekstera lucerna distrikto Rothenburg. Ĝis 1803 Urswil kaj Baldegg estis apartaj komunumoj. Ek de 1803 Hochdorf estas ĉefloko de la distrikto Hochdorf.
Vidu ankaŭ redakti
- Aliaj lokoj kun la nomo Hochdorf
- Hochdorf (stacidomo)
- Hochdorf Schönau (stacidomo)
- Baldegg (stacidomo)
- Baldegg Kloster (stacidomo)
Eksteraj ligiloj redakti
- Oficiala retejo de la komunumo Hochdorf
- Hochdorf en la Historia Leksikono de Svislando
- Profilo de la komunumo en la retejo de la kantono Arkivigite je 2004-01-04 per la retarkivo Wayback Machine
- Vidu ankaŭ en la Vikimedia Komunejo la kategorion Hochdorf – (Kolekto de bildoj kaj plurmediaj dosieroj)