Banĉambro

Banĉambro aŭ duŝĉambro estas ĉambro konstruita speciale por ke homoj povu en ĝi sin bani aŭ duŝi, ĉu pro higieno, ĉu pro komforto. Kutime en banĉambro troviĝas krom banujo aŭ duŝo ankaŭ lavujo, sapo, brosoj, sekigaj tukoj, k.a. Necesujo ankaŭ povas troviĝi en ĝi, ĉefe se temas pri hejma banĉambro.

Banĉambro de la frua dudeka jarcento en apartamento en la Casa Milà en Barcelona

Laŭ Francisko Azorín banĉambro estas Adekvata ĉambro por bano. kaj li indikas per bildo ke en banĉambro estas jenaj elementoj: bankuvo, duŝilo, klozeto, bideto, lavpelvo, spegulo.

Esprimoj

En Usono kaj Brazilo la indikpeto pri banejo (bathroom), fakte celas necesejon.

Vidu ankaŭ

• Banejo

Eksteraj ligiloj

• Informoj pri "senbarila" banĉambro (germane)
• Elektraj instaloj en ĉambroj kun banujo aŭ duŝujo (germane)