Bluvanga barbulo
La Bluvanga barbulo (Megalaima asiatica) estas birdospecio de la familio de Aziaj barbuloj aŭ Megalaimedoj.
 | ||||||||||||||
|---|---|---|---|---|---|---|---|---|---|---|---|---|---|---|
_in_Kolkata_I_IMG_7592.jpg) Bluvanga barbulo en Kalkato
| ||||||||||||||
| Biologia klasado | ||||||||||||||
| ||||||||||||||
| Megalaima asiatica (Latham, 1790) | ||||||||||||||
| Konserva statuso | ||||||||||||||
Aliaj Vikimediaj projektoj
| ||||||||||||||
La genro redakti
La barbuloj estas grupo de preskaŭpaserinaj birdoj kun tutmonda tropika distribuado. Ili ricevas tiun familian nomon pro la bridoj aŭ harecplumoj kiuj ĉirkaŭas siajn fortikajn bekojn.
En la genro de Aziaj barbuloj nome Megalaima estas du grupoj de specioj laŭ la kapoplumaro, kvankam ĉiuj havas ĝeneralan verdan plumaron en la korpo kaj vosto. Sed laŭ la kapoplumaro estas specioj kiuj havas grizbrunajn sen koloraj markoj kapojn, kolon kaj bruston, kiel la Brunkapa barbulo, la Stribarbulo, la Verda barbulo kaj la Verdorela barbulo, dum aliaj havas tre rimarkindajn kolorajn markojn en la kapo ĉefe ruĝaj, flavaj aŭ bluaj (bazaj koloroj) kun metalaj briloj, kiuj estas ekzemple la jenaj: Ruĝkrona barbulo, Ruĝgorĝa barbulo, Flavfrunta barbulo, Flavgorĝa barbulo, Nigrobrova barbulo, Bluvanga barbulo, Flavkrona barbulo, Blugorĝa barbulo, Bluorela barbulo, Ruĝfrunta barbulo kaj Sangofrunta barbulo. Tiu ĉi specio, do, apartenas al tiu lasta grupo kun koloraj markoj.
La specio redakti
Pli precize tiu ĉi specio, kiel plej parto de la samgenranoj estas ĝenerale verda, tre brila en nuko kaj dorso, pli hela en subaj partoj kaj iom blueca en subvosto. La kapo kiel en parto de la grupo estas ege rimarkinda kaj buntkolora. La vizaĝo kaj gorĝo estas tre helbluaj (kio nomigas la specion). La krono estas ruĝa sed trapasita de nigra horizontala strio meze (kun iom da helo antaŭe) kaj bordita de alia laŭlonga nigra strio de ties pintoj al la nuko. La beko estas fortika kaj ĉirkaŭita de bridaj harecplumoj, kiel en la tuta genro, kaj eburkoloreca sed nigreca en pinto de suba makzelo kaj en pinta duono de supra makzelo. Ĉirkaŭokula ringo estas oranĝeca kaj la kruroj grizverdecaj.
Tiu barbulo manĝas fruktojn kaj insektojn.
Referencoj redakti
- BirdLife International (2004). Megalaima asiatica. Internacia Ruĝa Listo de Endanĝeritaj Specioj, eldono de 2006. IUCN 2006. Elŝutita 11a Majo 2006. Malpli zorgiga
_on_Kapok_(Ceiba_pentandra)_in_Kolkata_W_IMG_4293.jpg)
_on_Kapok_(Ceiba_pentandra)_in_Kolkata_W_IMG_4292.jpg)
-_Preening_at_Kolkata_I_IMG_2360.jpg)
_I_IMG_0727.jpg)