Bonto van Bijlevelt
Bonto van Bijlevelt - je plena nomo Willem Victor Bonto van Bijlevelt aŭ Bylevelt, naskiĝis la 11-a de aŭgusto 1874 en la insulo Celebeso en Nederlanda Hindio, vivis grandparte en Haarlem kaj en Bruselo, mortodato nekonatas - estis nederlanda volapukisto kaj volapukologo. Li interalie redaktiste kontribuis al la gazetoj Nuns blefik se Volapükavol kaj Gased al pakam Volapüka.
| Bonto van Bijlevelt | |
|---|---|
| Persona informo | |
| Naskiĝo | 11-a de aŭgusto 1874 en insulo Celebeso en Nederlanda Hindio |
| Morto | nekonatas |
| Lingvoj | Volapuko • nederlanda |
| Okupo | |
| Okupo | volapukologo 
|
En 1898 li prezentis volapukidon, kiun li nomis "Lingua European".[1] En 1903 li iĝis adepto de Idiom Neutral, kiu nur publike prezentiĝis la antaŭan jaron, kaj verkis nederlandlingvan vortaron pri tiu nova planlingva projekto.[2] Sekve li en Bruselo fondis lokan asocion Groupe de la Langue Internationale por la disvastigo de Idiom Neutral, en kiu ekde 1907 interalie ankaŭ kunlaboris la belga eks-volapukisto kaj eks-esperantisto Jules Meysmans.[3]
Referencoj
redakti- ↑ Albert Léon Guérard, A Short History of the International Language Movement. Toronto: 1921, p. 141
- ↑ Bonto van Bijlevelt, Woordenboek en spraakkunst voor de Neutrale Taal. Haarlem: 1903, 1904, 471 pp.
- ↑ informilo por interlingvistoj, mencio pri van Bijlevelt en prezento de Jules Meysmans en paĝoj 14 kaj 15 (esperante)
