Brita Esperanto-Asocio
Brita Esperanto-Asocio, antaŭ la Dua Mondmilito ofte ankaŭ nomita Brita Esperantista Asocio,[1] estas asocio por subteno de Esperanto en Britio, fondita en 1904. La organizaĵo aliĝis al UEA en 1933. En 1907 ĝi fariĝis oficiale registrita kompanio.
| Brita Esperanto-Asocio | ||
|---|---|---|
esperanto-organizaĵo 
| ||
| Komenco | 1904 vd | |
| Lando(j) | Unuiĝinta Reĝlando vd | |
En 1976 fondiĝis Esperanto-Asocio de Britio (EAB) kiel registrita bonfara asocio surbaze de Brita Esperanto-Asocio.
En la fruaj 1970-aj jaroj Brita Esperanto-Asocio alstrebis signife influi la publikan opinion interalie gajninte apogon por Esperanto en la brita parlamento kie fondiĝis Parlamenta Esperanto-Grupo el ĉiuj politikaj partioj kiu fariĝis la plej granda parlamenta grupo, inkluzive de la partio de la tiama ĉefministro Harold Wilson[2].
En 1995, BEA transdonis sian membraron kaj funkciojn al EAB, kaj en 1999 ĝi krome transdonis sian ceteran kapitalon. De tiam ĝi estas senaktiva surpapera kompanio.
La kompanio ricevis de la britaj ŝtatinstancoj en 2007 specialan atestilon pro centjariĝo de sia registriĝo.
Referencoj
redakti- ↑ La formo Brita Esperantista Asocio jen ekzemple estas uzita en recenzo pri publikigaĵo de la asocio en la revuo Esperanto de 1922, paĝo 63.
- ↑ (eo) Ian Fantom, Vizaĝlibre, Heroldo de Esperanto, p. 3, n-ro 2327 (12-2021)
Eksteraj ligiloj
redakti- Informeroj pri la komenco de la Brita Esperanto-Asocio, el The Esperantist, [1], [2] angle