Clam-Gallas-palaco

La Clam-Gallas-palaco (strato "Husova" n-ro 158/20) estas unu el la plej belaj profanaj barokkonstruaĵoj (1713-1719) en Prago, verko de la viena arkitekto Johann Bernhard Fischer von Erlach. La skulptaĵoj devenas de Matyáš Braun. En la niĉo de la placmuro, troviĝanta sur la placo de d-ro V. Vacek, estas fontano kun personigo de la rivero Vultavo kiel juna knabino, skulptita de V. Prachner (1812). La palaco entenas nuntempe la arkivon de la urbo Prago.


Ĉi tiu artikolo estas verkita en Esperanto-Vikipedio kiel la unua el ĉiuj lingvoj en la tuta Vikipedia projekto.