Comayagua

Ĝemelurboj
	Cúcuta vd

Comayagua
urbego ; urbo ; municipo de Honduro vd
Administrado
Ĝemelurboj
	Cúcuta vd
En TTT	Oficiala retejo [+]
Demografio
Loĝantaro	144 785 (2013) [+]
Loĝdenso	174 loĝ./km²
Geografio
Geografia situo	14° 27′ N, 87° 38′ U (mapo)14.452766666667-87.637925Koordinatoj: 14° 27′ N, 87° 38′ U (mapo) [+]
Alto	594 m [+]
Areo	834,2 km² (83 420 ha) [+]
Horzono	UTC-06:00 [+]
	Comayagua (Honduro)
	Situo de Comayagua
Alia projekto
	Vikimedia Komunejo Comayagua [+]
	v • d • r

Por samtitola artikolo vidu la paĝon Comayagua (departemento).

Komajagvo (Comayagua) estas la ĉefurbo de departemento Comayagua en Honduro, sur la aŭtovojo al San Pedro Sula, je alteco de 594 metroj super marnivelo. Ĝi situas 80 kilometrojn nordokcidente de la landa ĉefurbo Tegucigalpo. Ĝi havis 152 051 loĝantojn en 2015. La urbo estas konata por ĝia riĉeco de hispana kolonia arkitekturo. La centra placo havas katedralon kun la plej malnova horloĝo en Ameriko.

Historio

Comayagua estis fondita sub la nomo Santa María de la Nueva Valladolid, fare de konkeranto Alonso de Cáceres laŭ komisio de Francisco de Montejo, Guberniestro de Jukatanio, la 8-an de decembro 1537. De 1540 Comayagua estis la ĉefurbo de la Hondura Provinco de la Ĝenerala Kapitaneco de Gvatemalo. En 1786 (23-an de decembro) la hispana krono kreis la Intendencejon (Intendencia) de Comayagua, kun Comayagua kiel ĉefurbo, kiu daŭris ĝis 1812. De 1812 ĝis 1814 ĝi estis la ĉefurbo de la Provinco de Comayagua kiam ĝi denove refariĝis ĉefurbo de la Intendencia de Comayagua ĝis 1820.

En 1820, Honduro denove estis nomita la Provinco de Comayagua aŭ Honduro, kun Comayagua kiel sia ĉefurbo. Post sendependeco disde Hispanio, ĝi estis la ĉefurbo de la ŝtato de Honduro en la Unuiĝintaj Provincoj de Centra Ameriko. Post kiam Honduro iĝis memstara respubliko, la ĉefurbo alternis inter Comayagua kaj Tegucigalpo (Comayagua estis favorita de konservativulaj administracioj, kaj Tegucigalpo de liberaluloj), antaŭ ol la ĉefurbo estis permanente establita ĉe Tegucigalpo en 1880.

Vidindaĵoj

En lastaj jaroj Comayagua fariĝas unu el la plej gravaj vidindaĵoj en Honduro. Tio estas dankebla al la Agentejo por teĥnika kunlaboro de Hispanio kaj la hondura Instituto de Antropologio kaj Historio, kiuj ambaŭ kunlaboris en konservado de la historiaj ejoj de la urbo.

En la urbocentro situas la Centra Placo. De tiu strategia punkto oni povas aprezi la katedralon de Comayagua kaj la urbodomo. Ĉirkaŭita per belaj ĝardenoj, la Centra Placo funkcias kiel punkto de referenco de la urbo. En ĝi la loĝantoj kolektiĝas por festi la lokajn festojn kaj koncertojn de marimboj, inter aliaj agadoj.

Dekstre plej antaŭe de la placo situas la Urbodomo, kiu estis rekonstruita kelkfoje. La konstruaĵo estas en novklasika stilo kaj estis konstruita dum la 16-a jarcento.

De la Centra placo oni ankaŭ povas aprezi la ĉefan altiron de la urbo, la Katedralon de Comayagua. Tiu preĝejo estas unu el la plej grandaj preĝejoj konstruitaj dum la kolonia epoko en Honduro. Ĝi estis inaŭgurita la 8-an de decembro 1711.

Aktualaĵoj

En februaro 2012 incendio mortigis pli ol 350 homojn ĉe malliberejo de Comayagua.

Soto Cano Air Base (antaŭe Palmerola Air Base) estas hondura armea instalaĵo situanta malpli ol 16 km de Comayagua. La du mejlojn (3 km) larĝa kaj ses mejlojn (10 km) longa aerbazo estas sidejo de la hondura aerarmea akademio. Usono stacionigas tie Joint Task Force Bravo kun ĉirkaŭ 550 uson-armeaj personoj kaj pli ol 650 usonaj kaj honduraj civiluloj.