Daboecia cantabrica
Daboecia cantabrica estas la sola specio de tiu ĉi monotipa genro Daboecia, kiu apartenas al la familio de la Erikacoj (Ericaceae).
 | ||||||||||||||
|---|---|---|---|---|---|---|---|---|---|---|---|---|---|---|
 „ Daboecia cantabrica“
| ||||||||||||||
| Biologia klasado | ||||||||||||||
| ||||||||||||||
Aliaj Vikimediaj projektoj
| ||||||||||||||
Ĝi ankaŭ nomiĝas irlanda eriko aŭ Davjoga eriko. La genro havas sian nomon de sankta Davjogo de Lough Derg, “sanktulo” el Irlando.
Aspektoj redakti
Daboecia cantabrica estas malgranda ligna arbedo, kiu kreskas ĝis 60 centimetroj. La arbedoj estas disbranĉitaj kaj la unuopaj branĉoj staras vertikalaj. La ĉiamverdaj folioj estas ovalaj ĝis lancetaj kun enroligita folirando. La rozkoloraj folioj sidas pendantaj ĉe terminalaj floraroj. La kunkreskinta florkaliko estas kvarfenda. Ĝi similas al Erica tetralix kun tre grandaj floroj. Ĝi distingiĝas de tiu je alterne starantaj folioj. La populacio sur Azoroj, kiu antaŭe estis rigardata kiel propra specio estas hodiaŭ rigardata kiel subspecio (subsp. azorica). Ĝi havas antaŭ ĉio pli malgrandajn florojn.
Disvastigo kaj kreskejo redakti
La planto kreskas en tri malproksimaj (disjunktaj) arealoj. En Irlando ĝi kreskas en malgranda arealo en la graflandoj Galivo kaj Mayo en la okcidento de la insulo. Pli granda arealo ekzistas en la nordokcidento de la ibera duoninsulo, en la nordo de Hispanujo kaj Portugalujo. Tie la disvastigocentro estas en la Kantabra Montaro. Daboecia cantabrica estas speco de la atlantika nana erikejo (hispane: „brezales“). La davjoga eriko kreskas nur sur acidaj kaj nutraĵmalriĉaj grundoj. Kun atlantika klimato, t.e. mildaj vintroj, kie malofte estas granda frosto kaj tre alta precipitaĵo, ne malpli ol 1000 mm.
Uzado redakti
Pro siaj belaj floroj ĝi estas ŝatata ornamarbusto, de kiu ekzistas multaj bredadformoj. La ofte uzataj formoj estas hibridoj inter irlandaj ksj azoraj plantoj (Daboecia x scotica).
Fontoj redakti
- R.J. Woodell: Daboecia cantabrica. Biological Flora of the British Isles No. 286. Journal of Ecology Vol. 46, No. 1 (Mar., 1958), pp. 205–216.
- Loidi, Javier; Biurrun, Idoia; Campos, Juan Antonio; García-Mijangos, Itziar; Herrera, Mercedes A survey of heath vegetation of the Iberian Peninsula and Northern Morocco: a biogeographic and bioclimatic approach. Phytocoenologia, Volume 37, Numbers 3-4, December 2007 , pp. 341–370.