Damoh

Damoh, laŭ (hindie दमोह) estas urbego kaj municipo en centra Barato, en subŝtato Madja-Pradeŝo, en kantono de Sagar, en la samnoma distrikto Damoh, kie ĝi estas ties sidejo.

Damoh
setlejo
Administrado
Poŝtkodo	470661
Demografio
Geografio
Geografia situo	23° 50′ N, 79° 27′ O (mapo)23.8479.45 [+]
Alto	595 m [+]
Horzono	UTC+05:30 [+]
Damoh (Madja-Pradeŝo) DEC Situo de Damoh
Damoh (Barato) DEC Situo de Damoh

Urbobildo en Damoh

Demografio

Damoh havis populacion de 126 219 en 2011 kun legopovo de 73%, kiu estas pli alta, ol la landa mezumo.

Geografio

Damoh situas en montaro 595 metrojn super la marnivelo. Kantona sidejo Sagar troviĝas 71, Ĝabalpur 89, Katni 96, Ĉatarpur 122, Lalitpur (Barato) 143, subŝtata ĉefurbo Bopalo 215 (voje 260), tutlanda ĉefurbo Delhio 578, Mumbajo 873, Kolkato 923 kilometrojn (aere) [1].

Historio

Ĉirkaŭaĵo de Damoh apartenis al lokaj regantoj, ekde la 14-a jarcento al islamaj regantoj, ekde 1861 al britaj regantoj ĝis la sendependiĝo en 1947. En 1896 kaj 1900 malsatkatastrofoj okazis. La fervojo estis konstruita en 1899. En 1933 Mahatma Gandhi vizitis Damoh.

Lingvoj

En Damoh la oficiala lingvo estas la hindia aŭ ties dialekta lingvo la bundela.

Religioj

En Damoh plejparto de la populacio estas hinduoj (79%), krome islamanoj (15%), ĝajnistoj (5%).

Eduko

En Damoh la unua kolegio estis establita en 1961.

Trafiko

Damoh havas trairan fervojan linion en etapo de Katni-Sagar. Kuras al la urbego 4 ĉefvojoj kaj 2 flankovojoj.

Klimato

Damoh havas humidan subtropikan klimaton laŭ Klimata klasifiko de Köppen (Cwa). Jare pluvas po 1146 mm, inter junio-septembro pli ofte pluvas pro la musonoj. La temperaturo averaĝe varias inter 18-33 °C.

Vidindaĵoj

• preĝejoj, precipe hinduaj temploj
• fortikaĵo proksime

Fontoj

• WikiTrans