Deux-Sèvres

Deux-Sèvres [dø sɛvʁ] estas unu el la departementoj de la franca regiono Nova Akvitanio. Ĝi estas 5 999 km² granda kaj havas 371 632 loĝantojn. La ĉefurbo estas Niort. Ĝia administracia numero kaj aŭtomobilkodo estas 79.

Deux-Sèvres
departemento de Francio
Administrado
Lando	Francio
Regiono	Nova Akvitanio
Numero	79
Prefektejo	Niort
Subprefektejoj	Bressuire Parthenay
Prezidanto de la departementa konsilio	Gilbert Favreau
Prefekto	Jérôme Gutton
Statistikaĵoj
Loĝantaro	375 415 (2022)
Areo	5 999 km²
Loĝdenso	63 /km²
Subdividoj
Arondismentoj	3
Kantonoj	17
Komunumaroj	13
Komunumoj	297

La departemento tute enhavas 297 komunumojn.

Geografio

“Deux Sèvres” signifas “du Sèvre”: la departemento ŝuldas tiun nomon al la du samnomaj riveroj (Sèvre nantaise kaj Sèvre niortaise), kiuj trafluas ĝian teritorion, kiu grandparte konsistas el ebenaĵoj.

Arondismentoj

La departemento dividiĝas al tri arondismentoj:

• arondismento Bressuire
• arondismento Niort
• arondismento Parthenay

Ekonomio

Terkultivado okupas pli-malpli 25 % de la laborantaro (bredado de bovedoj, kultivado de tritiko, maizo kaj sunfloroj). Industrioj malmultas. La ĉefurbo Niort estas aparte fama en Francio kiel sidejo de multaj asekur-agentejoj.

Vidindaĵoj

Heredaĵo: multaj romanikaj preĝejoj kovras la teritorion de Deux-Sèvres, ĉar ĝi estis mezepoke sur la vojo al Santiago de Compostela en Hispanio (fama pilgrimloko), ankaŭ vizitindas la natura parko de la Puatuaj marĉoj kaj lagoj.

Vidu ankaŭ

• Komunumoj de Deux-Sèvres
• Francaj departementoj