Eemshaven
La Eemshaven (Emshaveno) estas transŝarĝa haveno, situante en la municipo Het Hogeland en la provinco Groningen kaj estas la plej granda marhaveno de Nord-Nederlando. Ĝi situas je la okcidenta marbordo de la Emsbuŝo, marbranĉo en kio la rivero Emso elfluas en la Nordmaron.
Havenoj redakti
La haveno estas CEMT-klaso Va kaj konsistas el 4 basenoj. Samkiel la haveno de Delfzijl la Emshaveno estas administrata de Groningen Seaports. La akvonivelo varias kutime de NAP −12,80 m ĝis NAP −10,80 m. La haveno havas trafikgvidan sistemon. La blokokanalo de la Trafikservo Emshaveno estas marifono VHF-kanalo 1. Ĉiuj ŝipoj devas dum alveno kaj foriro sinanonci tie.[1][2][3]
Fervoja stacio redakti
Ekde la 28-a de marto 2018 funkcias fervoja stacio Eemshaven, la plej norda stacio de Nederlando. Per tio la haveno havas interligon kun la fervoja reto de la lando kaj eksterlando.
Referencoj redakti
- ↑ Database ‘Vaarwegen in Nederland’ (ViN) van Rijkswaterstaat Adviesdienst Verkeer en Vervoer (AVV)
- ↑ Wegwijzer voor de binnenscheepvaart (2)
- ↑ Nederlandse Schippersalmanak 2016, blz. 100