Egirino
Egirino, aŭ aegirino, estas membro de la klino-piroksena grupo de inosilikataj mineraloj. Egirino estas la natria finmembro de la serio egirin-aŭgito. Egirino havas la kemian formulon NaFeSi2O6 en kiu fero aperas kiel Fe3+. En la aegirin-aŭgita serio la natrio estas foje anstataŭita per kalcio kun fero(II) kaj magnesio anstataŭante feron(III) por ekvilibrigi la ŝarĝon. Ankaŭ aluminio anstataŭas la feron(III). Akmito estas fibreca, verda variaĵo.
![](http://upload.wikimedia.org/wikipedia/commons/thumb/7/79/Aegirine_-_Mt_Malosa%2C_Zomba%2C_Malawi.jpg/260px-Aegirine_-_Mt_Malosa%2C_Zomba%2C_Malawi.jpg)
Egirino ekzistas kiel malhelverdaj monoklinaj prismaj kristaloj. Ĝi havas vitrecan brilon kaj perfektan kliavadon. Ties Mohs dureco varias el 5 ĝis 6, kaj ties specifa gravito estas inter 3.2 kaj 3.4.
![](http://upload.wikimedia.org/wikipedia/commons/thumb/8/83/Aegirine_-_Acmite_in_syenite_Sodium_iron_silicate_Magnet_Cove_Hot_Springs_County_Arkansas_2000.jpg/220px-Aegirine_-_Acmite_in_syenite_Sodium_iron_silicate_Magnet_Cove_Hot_Springs_County_Arkansas_2000.jpg)
Tiu mineralo ofte ekzistas en alkalaj magmorokaĵoj, sed ankaŭ ĉe aliaj kuŝejoj. La akmita variaĵo estis por la unua fojo priskribita en 1821, ĉe Kongsberg, Norvegio,[1] kaj la egirina variaĵo en 1835 el specimeno de Rundemyr, Øvre Eiker, Buskerud, Norvegio. Aegirino estis nomita laŭ Ægir, nome Nord-ĝermana dio de maro.[2] Sinonimo de la mineralo estas akmito (el la greka ἀκμή "pinto, bordo") reference al la tipaj pintaj kristaloj.[3]