Malfermi la ĉefan menuon

Esperanto-konkurso (radioamatora)

La Esperanto-konkurso por radioamatoroj estas ĉiujare organizita de ILERA, la internacia ligo de esperantistaj radioamatoroj. Ĝi okazas ĉiun trian kompletan semajnfinon de novembro. La unua Esperanto-konkurso okazis en 1977. Ĝi estis organizita de Hans/DJ4PG. Dum la lastaj jaroj Wolf/DL1CC okupiĝs pri ĝi sed post la UK en Nitro nun DJ4PG denove respondecas pri la konkurso.

CelojRedakti

Ni volas

  • pliigi la aktivecojn je la radioamatoraj bendoj
  • plie uzi nian lingvon, praktiki ĝin dum oftaj kontaktoj (QSO). Per tio ankaŭ plibonigi la kvaliton de la uzata lingvo.
  • montri la bonan funkciadon de nia lingvo al aliaj radioamatoroj.
  • Aperigi la la vorton "Esperanto" en la DX-clusteroj.

La konkurso donas multe pli bonan ŝancon ol normalaj tagoj, atingi Esperanto-staciojn. Se oni partoprenas dum kelkaj horoj, oni povas dum unu semajnfino atingi la necesajn kontaktojn por la unua grado de la Esperanto-diplomo. Dum la dua duono de la konkurso intensa babilado estas rekomendata. Ni profitu la okazon!

Por atingi multajn Esperanto-staciojn, estas rekomendinde enŝalti Echolink, por tie ricevi informojn, en kiuj frekvencoj en mallongaj ondoj aktuale aktivas samideanoj. En la artikolo Eĥolink atentu speciale la alineon Alarm-listo. Se vi enmetis ĉiujn al vi konatajn Eo-voksignojn en vian Alarm-liston, la programo montras tuj je la ekrano, se iu de ili aperas.

Ankaŭ en la "DX-cluster" vi eble trovos informojn pri aktivaj Esperanto-stacioj.

La reguloj:Redakti

  • dato: Ĝi okazas ĉiujare dum la tria sabato de novembro plus sekvanta dimanĉo. ĉi jare: 2019-11-16 + 17
  • tempo: sabato 00:00 UT ĝis dimanĉo 23:59 UT
  • permesitaj frekvencoj: ĉiuj radioamatoraj frekvencoj plus ECHOLINK

Estas permesataj nur rektaj konektoj en la frekvencoj, do ne la uzo de ripetiloj. Pri ECHOLINK estas neniuj limigoj.

  • lingvo: La uzo de Esperanto estas preferata, sed ankaŭ la naciaj lingvoj estas permesitaj.
  • dum ĉiu kontakto interŝanĝu raportojn kun RS(T) kaj sinsekva numero
  • La kontaktoj estu listigitaj en taglibro kun indiko de dato, tempo en UT, voksigno, frekvenco aŭ bendo aŭ EL, raporto donita, raporto ricevita. La raportoj estu donitaj en la formo RS(T)+ sinsekva numero.

Ekzemplo de taglibro:

 2000-11-21 09:12 F9ED  14.266  59001       59007
            09:14 PT2CA 14.266  449002      599001
            09:17 F9ED     EL   59003       59008
  • poentoj: Validas unu poenton ĉiu kontakto, por ĉiu voksigno, ripeteblaj en ĉiuj bendoj.

Pliajn informojn vi trovas en niaj grupoj:

Rekomendoj:Redakti

Frekvencoj: por havi pli altan ŝancon trovi samideanojn, estas rekomendite uzi la t.n. ILERA-frekvencojn kaj najbarajn. Tiuj estas:

  • 3,766 MHz
  • 7,066 MHz,
  • 14,266 MHz,
  • 21,266 MHz,
  • 28,766 MHz.

Pri frekvencoj por morsado bv. vidi en nia Yahoo-grupo.

  • Voku en Esperanto: "iu ajn, iu ajn, iu ajn, jen vokas voksigno" ktp. Speciale dum intermikso aŭ malfortaj signaloj tia alvoko povas esti bone identigita.

Sendu vian raportonRedakti

Taglibron kun viaj rezultoj sendu ene de unu monato al la prizorganto DJ4PG. Aldonaj informoj pri lingvo de la kontakto, adiciado de landoj, stacioj k.a. estas bonvenaj.

Adreso: Hans B. Welling, zum Ortenbrink 42, DE-49205 Hasbergen, Germanio.

perrete al: dj4pg ĉe t-online.de

Vidu ankaŭRedakti