Eugene Meyer
Eugene Isaac MEYER (31a de Oktobro, 1875 – 17a de Julio, 1959) estis usona financisto, publika funkciulo, kaj gazetpublikigisto. Li publikigis The Washington Post el 1933 ĝis 1946, kaj la gazeto restis en lia familio tra la cetero de la 20-a jarcento. Li servis kiel prezidanto de la Federacia Rezervo el 1930 ĝis 1933 kaj estis la unua prezidanto de la Grupo de la Monda Banko.
| Eugene Meyer | |
|---|---|
| |
| Persona informo | |
| Naskiĝo | 31-an de oktobro 1875 en Los-Anĝeleso |
| Morto | 17-an de julio 1959 (83-jaraĝa) en Vaŝingtono |
| Lingvoj | angla |
| Ŝtataneco | Usono |
| Alma mater | Universitato Yale • Universitato de Kalifornio ĉe Berkeley • Lowell High School |
| Familio | |
| Patro | Marc Eugene Meyer |
| Frat(in)o | Florence Meyer Blumenthal |
| Edz(in)o | Agnes E. Meyer |
| Infanoj | Katharine Graham • Florence Meyer |
| Okupo | |
| Okupo | bankisto • ekonomikisto • media proprietor • artkolektanto |
Li studis en la Universitato de Kalifornio en Berkeley, sed poste gradiĝis en la Universitato Yale en 1895. Li iĝis sukcesa investisto kaj spekulaciisto, kaj posedis postenon en la Novjorka Borso. Ĉirkaŭ 1915, kiam li estis kvardekjaraĝa, li jam posedis 40 milionojn da usonaj dolaroj. En 1920, Meyer kun William H. Nichols kombinis kvin malgrandajn kemikompaniojn por krei Allied Chemical & Dye Corporation, kiu poste iĝis Allied Chemical Corp., kiu siavice iĝos parto de AlliedSignal, antaŭaĵo de Honeywell.
Bibliografio redakti
- Agnes E. Meyer. Out of These Roots. 1959.
- Merlo J. Pusey. Eugene Meyer. 1974.
- Katharine Graham. Personal History. 1997.
- Meltzer, Allan H. (2003). A History of the Federal Reserve – Volume 1: 1913–1951. Ĉikago: University of Chicago Press. pp. 320–436. ISBN 978-0226520001.
- Friedman, Milton; Schwartz, Anna J. (1993) [1963]. A Monetary History of the United States, 1867–1960. Ĉikago: University of Chicago Press. pp. 327–389. ISBN 978-0691003542.