Fontano de la Falinta Anĝelo
(Alidirektita el Falinta Anĝelo)
La Fontano de la Falinta Anĝelo hispane Fuente del Ángel Caído aŭ Monumento del Ángel Caído troviĝas en la Parko Retiro de Madrido, (Hispanio), en la Ĝardenplaceto de la Falinta Anĝelo, en la tereno kie antaŭe troviĝis la porcelanfabrikejo, detruita dum la Milito de Hispana Sendependiĝo en 1813. La bildo reprezentas la momenton, laŭ la Biblio, kiam Dio forpelas Luciferon el la ĉielo. Ĝi estas verkaĵo de Ricardo Bellver (ĉefa skulptaĵo) kaj Francisco Jareño (piedestalo). Ĝi estas la sola monumento al Lucifero kiu troviĝas en publika parko de Eŭropo.
