Fatamorgano
Fatamorgano aŭ miraĝo estas aeroreflektado. Ĝi nomiĝas laŭ Morgan le Fay, sorĉistino el la legendoj de Reĝo Arturo, pliposte ĉefpastrino de Avalon.
Aeroreflektado estas optika fenomeno de iluzio, kiu estas la rezulto de temperatur-inversio, aperaĵo ĉe kiu ekzistas grandaj temperatur-diferencoj inter diversaj aertavoloj. Kiam ĉe la tersurfaco troviĝas malvarma aero kun pli granda optika denso ol la supera varma aero, ĉi tiu malvarma aero povas ekfunkcii kiel lenso, pro kio la lumo refraktiĝas, kio rezultas en invertitaj, aliformitaj kaj ĝenitaj bildoj.