Flago de la Otomana Imperio
La termino flago de la Otomana Regno rilatas al unu el la flagoj kiuj estis uzitaj fare de la regantaj sultanoj de la otomana dinastio. Pro la komplika politika kaj socia strukturo, la Otomana Imperio ne havis ununuran nacian flagon ĝis 1844 kiam la flago de la Otomana Mararmeo estis adoptita, kaj ĉiu sultano uzis malsamajn flagojn en malsamaj cirkonstancoj.
.svg)
La unua flago asociita kun la Otomana Regno estis verŝajne elektita fare de sultano Murad la 1-a ĉe la fino de la 14-a jarcento kaj estis en la formo de ruĝa rondeta triangulo. Ruĝa ne estis koloro identigita kun la turkoj kaj la kialo por elekti ĉi tiun koloron estas fakte nekonata. Ĉi tiu flago ŝanĝiĝis nur malmulte dum la jaroj kaj ĉio kio estis aldonita al ĝi estis flava kolora lunarko. La lunarko estis simbolo de Konstantinopolo reen en la bizanca periodo, sed ĝi ankaŭ estis simbolo ĝenerala inter turkaj triboj en la pasinteco. En la sama tempo, malsamaj flagoj komencis formiĝi kiuj estis unikaj al la otomana mararmeo kaj la komerca mararmeo, kaj al diversaj ŝipoj kaj ŝipkomandantoj.
En la 18-a jarcento, la otomanoj komencis uzi flagojn en la formo de rektangulo anstataŭe de la triangulo kiu estis uzita ĝis tiam, kaj distingo estis farita inter la flagoj de burĝaj aŭ sekularaj institucioj, kiuj estis ruĝaj, kaj la flagoj de religiaj institucioj, kiuj estis verdaj - la koloro de Islamo. La maramea flago adoptita en 1793 estis tial ruĝa en koloro kaj inkludis lunarkon kaj ok-pintan stelon. En 1844, la stelo iĝis pentagramo kaj iĝis la oficiala flago de la imperio. Tiu flago estis adoptita en 1923 fare de Turkio post ĝia sendependeco, kaj estis nomita turke Ay Yıldız ("Lunstelo").
Galerio redakti
-
La otomana flago, 1299-1453 -
La otomana flago, 1453-1844 -
Flago de la Otomana Ŝiparmeo, 1793-1844 -
La otomana flago 1844-1922 (sama kiel la turka flago)
.svg)
Referencoj redakti
Vidu ankaŭ redakti
Eksteraj ligiloj redakti
- Vidu ankaŭ en la Vikimedia Komunejo la kategorion Flags of the Ottoman Empire – (Kolekto de bildoj kaj plurmediaj dosieroj)
- Ottoman Empire at Flags of the World