Girton College (Kembriĝo)
Girton College estas kolegio de la Universitato de Kembriĝo. Ĝi estis fondita en 1869 de Emily Davies kaj Barbara Leigh Smith Bodichon kiel nurvirina kolegio. Ĝi nuntempe akceptas kaj virajn kaj virinajn studentojn.
| Girton College | ||
|---|---|---|
 | ||
| ||
| kolegio de Universitato de Kembriĝo universitata konstruaĵo 
| ||
| moto | Better is wisdom than weapons of war Pli bona estas saĝo ol armiloj de milito | |
| Informoj | ||
| fondodato | 16-a de oktobro 1869 | |
| fondinto(j) | Emily Davies • Barbara Leigh Smith Bodichon • Henrietta Stanley, Baroness Stanley of Alderley vd | |
| Situo | ||
| Geografia situo | 52° 13′ 43″ N, 0° 5′ 2″ O (mapo)52.22860.083938999999987Koordinatoj: 52° 13′ 43″ N, 0° 5′ 2″ O (mapo) | |
| lando | Britio | |
| retejo | Oficiala retpaĝaro [+] | |
| ||
 Girton College | ||
Nuntempa kolegio
redaktiLa kolegio troveblas ĉirkaŭ 4 kilometrojn nordokcidente de la centro de Kembriĝo, en la vilaĝo de Girton laŭ kiu ĝi estis nomita. En 2010, la nuna mastrino de la kolegio estas Susan J. Smith. Ĝi enhavas 503 antaŭdiplomajn kaj 201 postdiplomajn studentojn.
Ĝia devizo estas: Better is wisdom than weapons of war (Pli bona estas saĝeco ol militarmilo).
Historio de la kolegio
redakti La kolegio estis fondita je la 16-a de oktobro 1869 de Emily Davies kaj Barbara Leigh Smith Bodichon, kiel la unua internula kolegio en Britio, en Benslow House, Hitchin, Hertfordshire. Ĝi unue nomiĝis la College for Women (Kolegio por virinoj), kaj la unua estro estis Charlotte Speir Manning. En 1873 la kolegio translokiĝis al la vilaĝo Girton, apud Kembriĝo, kaj renomiĝis kiel Girton College.
En 1924 la kolegio ricevis reĝan ĉarton. Ĝi estis agnoskata kiel institucio por la altnivela eduko de virinoj, sed ankoraŭ ne estis oficiala kolegio. Ĝi finfine fariĝis plena membro de la universitato je la 27-a aprilo 1948.
En 1977 ĝi unue dungis virajn profesorojn, kaj en 1979 ĝi unue akceptis virajn studentojn.