Glaso malplena kaj plena

Glaso estas trinkujo kutime uzata por trinki likvaĵojn, kutime malvarmajn. Glasoj estas plej ofte el vitro, travideblaj kaj senkoloraj, sed troviĝas ankaŭ glasoj koloritaj kaj dekoritaj, glasoj el plasto, fajenco, metalo, ktp. Ili estas kutime malmultekostaj, sed ofte rompiĝemaj.

Glasoj estas ordinare pli altaj ol larĝaj. La formo kaj grandeco dependas de la uzo. Foje estas tenilo:

Glaso estas ankaŭ la kvanto, kiun enhavas la glaso: trinki glason da akvo.

ProverbojRedakti

Ekzistas proverboj pri glaso en la Proverbaro Esperanta de L. L. Zamenhof[1]:

  •  
     Granda frakaso en malgranda glaso. 
  •  
     Li esploris iom la fundon de la glaso. 
  •  
     Plena glaso da vino, sed kun guto da veneno. 
  •  
     Kiu rompis la glason, ordigu la kason. 
  •  
     Unu guto plenigas la glason. 
  •  
     Unu sola guto la glason plenigas. 

ReferencojRedakti