Auswil

Auswil estis ĝis la 31-a de decembro 2009 komunumo de la distrikto Aarwangen kaj ekde la 1-a de januaro 2010 komunumo de la administra distrikto Supra Argovio en Kantono Berno, Svislando. Ĝi havis 650 loĝantojn je la 31-a de decembro 2009.

Auswil
Blazono de Auswil
Blazono de Auswil
Vilaĝeniro de Auswil
Vilaĝeniro de Auswil
komunumo en Svislando
Kantono	Berno
Administra distrikto	Supra Argovio
Malnova distrikto ĝis 2009	Aarwangen
Geografia situo	CH1903: 629943 / 220800 (mapo)47.13757.8333333333333
Nombro de loĝantoj	650
Areo	4,65 km²
Alteco	459 m super marnivelo
Poŝtkodo	4944
Komunumkodo	0322
Mapo de Auswil
Mapo de Auswil

Geografio

Auswil situas en la Svisa Mezlando proksimume 10 kilometrojn sude de la urbo Langenthal. La komunumo Auswil konsistas el la vilaĝoj Oberauswil, Unterauswil, Hermandingen, Aerbolligen kaj Rohrbachberg. En sudo la komunuma teritorio etendiĝas ĝis al la bordo de la rivero Langete.

La teritorio de la komunumo etendiĝas sur areo de 4,65 km², de kiuj 11,4% estas kovritaj de arbaro, 82,6% servas por agrikulturo kaj 4,95% por setlado.

Najbaraj komunumoj

La komunumo Auswil limas en nordo al Madiswil, en oriento al Gondiswil, en sudo al Huttwil, kaj en okcidento al Rohrbach. Auswil ne disponas pri konekto al la publika transportreto.

Trafiko

Auswil situas flanke de la gravaj trafikvojoj. La komunumo atingeblas per flanka vojo de Rohrbach. Auswil ne disponas pri konekto al la publika transportreto. La stacidomo de Rohrbach ĉe la fervojlinio Langenthal al Huttwil tamen troviĝas en distanco de nur 1 km de la komunumocentro de Auswil.

Historio

La unua dokumenta mencio de Auswil datiĝas el la jaro 855 kiel Ouvistwilare. La mezepoka Burgo Rohrbachberg, kiu estis en la 12-a jarcento posedaĵo de kiburgaj vasaloj, en la jaroj 1318 kaj 1323 estis detruita de bernanoj. Ĝis en la 19-a jarcento, kiam la komunumo sendependiĝis Auswil apartenis al la komunumo Rohrbach, al kies paroĥo ĝi eklezie ankoraŭ apartenas. Kiel Rohrbach Auswil apartenis dum mezepoko al la Monaĥejo Sankt-Galo. En la jaro 1504 ĝi kun Rohrbach estis vendita al la urbo Berno.

Eksteraj ligiloj

• Oficiala retejo de la komunumo Auswil

•  Vidu ankaŭ en la Vikimedia Komunejo la kategorion Auswil – (Kolekto de bildoj kaj plurmediaj dosieroj)

Bildoj

• 
  Gastejo Rössli en Auswil
• 
  Komunuma domo
• 
  Grejnejo apud gastejo Rössli Auswil
• 
  La vilaĝeto Hermandingen
• 
  Vilaĝeniro de Aerbollingen
• 
  Historia Grejnejo en Aerbollingen
• 
  Aerbollingen