Hermann Brandt
Hermann Brandt (naskiĝis la 6-an de oktobro 1897 en La Chaux-de-Fonds; mortis la 15-an de novembro 1972 en Ĝenevo) estis svisa kuracisto, biologo kaj sporta medicinisto. Li estas konata pro evoluigado de la sporto Ĉukpilkado (Tchoukball).
| Hermann Brandt | |
|---|---|
| |
| Persona informo | |
| Naskiĝo | 6-an de oktobro 1897 en La Chaux-de-Fonds |
| Morto | 15-an de novembro 1972 (75-jaraĝa) en Ĝenevo |
| Ŝtataneco | Svislando |
| Okupo | |
| Okupo | sporta medicinisto |
Sportmedicinaj agadoj redakti
Post studado de medicino kaj biologio, Brandt praktikis kiel kuracisto en Ĝenevo kaj ekde la 1920-aj jaroj akiris renomon en sporta medicino. Laŭ lia iniciato, sportaj medicinaj ekzamenoj estis lanĉitaj en 1928 en la Ĝeneva Gimnastika Klubo. En la 1930-aj kaj 1940-aj jaroj li apogis la enkondukon de virina flugpilkado en Svislando. Post la milito li laboris kiel teamkuracisto en diversaj sportoj (flugpilkado, manpilkado, sportoj por movkapablaj handikapitoj).
Evoluo de ĉukpilkado redakti
La speciala atento de Brandt ĉiam estis eviti lezojn. En la 1960-aj jaroj, tio ankaŭ estis la kialo de liaj konsideroj de kreado de pilkludo sen fizika fortostreĉo kontraŭ la aliaj ludantoj: ĉukpilkado.[1] Origine celita kiel ludo kaj trejna ilo, la sporto intertempe praktikiĝas en multaj landoj. En 1971 estis fondita internacia federacio je la mallongigo FITB, kies unua prezidanto Brandt estis ĝis sia morto.[2]
Referencoj redakti
- ↑ Mirjam Bartels: Sportsoziologie: Tchoukball – Ein elitärer Sport?, germane: "sporta sociologio: Ĉukpilkado - ĉu elitisma sporto?" (PDF; 1,7 MB), maturiga tezo de 2008 en la gimnazio Kollegium St. Michael/Collège Saint-Michel en Friburgo (Svislando), publikigita en la retejo de la svisa federacio de Ĉukpilkado (arkivigite), p. 4 kaj p. 7. (jen kopio kaj plia e-dokumento elŝutebla)
- ↑ Historio en la retejo de la internacia federacio FITB