La meteorito Hoba, konata ankaŭ kiel Okcidenta Hoba, estas la plej granda kaj peza meteorito de la mondo kaj krome la peco da natura fero plej granda konata sur la surfaco de la Tero.

La meteorito Hoba.

La meteorito, nomita laŭ la farmo Okcidenta Hoba, proksime de Grootfontein, regiono Otjozondjupa (Namibio), kie ĝi estis malkovrita en 1920. Ĝi ne estis translokigita ekde kiam ĝi falis antaŭ 80 000 jaroj. La malkovro de la Hoba estis bonŝanca, ĉar ĝi ne lasis krateron aŭ alian frapomontron; evidente, la tera atmosfero bremsis la feraĵon de 66 tunoj, kaj ĝi falis je fina rapideco. Je tiu rapideco, la meteorito restis esence netuŝita, kaj la frapo de malmulta energio sur la surfacon okazigis nur malgrandan fosaĵon.

Detalo

Ĝi estas komponita el fero je 84% kaj ĉirkaŭ 16% de nikelo, kun kelkaj restoj de kobalto. Krome estas inkrustaĵoj de fera hidroksido en kelkaj partoj de la surfaco. Laŭ sciencaj terminoj, la meteorito estas klasita kiel ataksito (fera meteorito kun altaj kvantoj da nikelo).

Bibliografio redakti

  • DINWIDDIE, Robert. "Universe: The Definitive Visual Dictionary". DK Adult Publishing, (2005), p. 223.