IJK 1992
La 48-a Internacia Junulara Kongreso (IJK) de TEJO okazis inter la 2-a kaj 9-a de aŭgusto 1992 en la urbo Montrealo de Kanado. La kongreson partoprenis 104 junaj esperantistoj - grandparte studentoj, lernejanoj kaj junaj laboristoj sub 30 jaroj.
| IJK 1992 | ||
|---|---|---|
| Loko | Montrealo,  Kanado
| |
| Ekde | 2-a de aŭgusto 1992 | |
| Ĝis | 9-a de aŭgusto 1992 | |
| ← Antaŭa | Sekva → | |
.jpg)
La kongreso estis la unua de TEJO en Nord-Ameriko, kaj la dato estis pripense elektita: la IJK memoris pri la malkovro de Ameriko fare de eŭropanoj en la fama vojaĝo de Kristoforo Kolumbo 500 jarojn antaŭe, kaj ankaŭ pri la fondo de la urbo Montrealo, la plej granda urbo de la franclingva kanada regiono Kebekio, antaŭ 350 jaroj.
Kiel en aliaj junularaj Esperanto-kongresoj, okazis variaj prelegoj kaj diskutrondoj pri la kongresa temo "libertempado", kulturaj eventoj kaj organizaj kunvenoj de TEJO, interalie de ties komitato. La kongresejo estis la College de Maisonneuve, proksime al la olimpia stadiono - moderna kaj klimatizita altlernejo kun sportaj ebloj.
