Iniciativo por Katalunio - Verduloj
Iniciato por Katalunio - Verduloj - katalune Iniciativa per Catalunya Verds (ICV) - estis politika partio, kun maldekstrema ideologio, kiu funkciis en Katalunio (Hispanio). La partio fondiĝis la 23-an de februaro 1987, kaj estas fuzio de la antaŭe sendependaj partioj Iniciativa per Catalunya (Iniciato por Katalunio) kaj Els Verds. IC estis socialisma partio, siavice formita per kunigo de maldekstraj partioj, inter kiuj la eksa historia komunistema partio PSUC, kaj Els Verds (La Verduloj), klasika verda partio. ICV havis fortajn rilatojn kun la hispana partio Izquierda Unida (Maldekstro Unuiĝinta), kiun iel reprezentis en Katalunio,
| Iniciato por Katalunio - Verduloj | |
|---|---|
| Iniciativa per Catalunya Verds | |
| |
| politika partio en Katalunio | |
| Lando |  Katalunio
|
| Fondiĝo | februaro 1987 |
| Dissolvo | 2019 |
| Lingvo(j) | kataluna |
| Ĉefa sidejo | str. Ciutat 7, 08002 Barcelono |
| Ideologio | Ekosocialismo, federismo, kontraŭkapitalismo, respublikismo, feminismo, Kataluna naciismo, alimondismo |
| Retejo | www |
La partio post la ĝeneralaj elektoj de 2004 partoprenis en la registaro de Katalunio, en koalicio kun du pliaj partioj Partio Socialista de Katalunio (Partit dels Socialistes de Catalunya, PSC) kaj la socialisme sendependisma Maldekstro Respublikana de Katalunio (Esquerra Republicana de Catalunya, ERC).
Sur eŭropa nivelo, ekzemple en la parlamento kaj gvida komisiono de la Eŭropa Unio, la partio estis parto de la transnacia Eŭropa Verda Partio kaj de la parlamenta Frakcio de la Verduloj kaj Eŭropa Libera Alianco. En la Eŭropa Parlamento de la periodo 2004 ĝis 2009 ĝi reprezentiĝis per la parlamentano Raül Romeva i Rueda.
La junulara branĉo de la partio nomiĝas Joves d'Esquerra Verda ("Junuloj de Maldekstro Verda"). Antaŭe, kaj inter la anoj ankoraŭ nun, ĝi nomiĝis Joves amb Iniciativa ("Junuloj kun iniciativo").
En la jardeko de 2010 la partio suferis la konkurencon de la novaj partioj, inter kiuj Podemos, kaj perdis ĉefrolecon. Ĝi tamen partoprenis koaliciojn kun Podemos (Podem en la kataluna) kun diversaj nomoj.
En 2019, sekve al forta ekonomia krizo, la partio anoncas sian dissolviĝon.
Eksteraj ligiloj redakti
- angle bazaj informoj pri la partio sur la paĝaro de la Eŭropa Verda Partio Arkivigite je 2019-05-29 per la retarkivo Wayback Machine