Jan Willem Sevenhuijsen
Jan Willem SEVENHUIJSEN (naskiĝis la 3-an de septembro 1858 en Brouwershaven, mortis la 10-an de februaro 1923 en Harlemo, Nederlando) estis nederlanda lernejestro kaj konata persono en esperantista, vegetarana kaj instruista rondoj.
| Jan Willem Sevenhuijsen | |
|---|---|
| |
| Persona informo | |
| Naskiĝo | 3-an de septembro 1858 en Brouwershaven |
| Morto | 10-an de februaro 1923 (64-jaraĝa) en Harlemo |
| Tombo | Algemene Begraafplaats Kleverlaan (en)  
|
| Lingvoj | Esperanto • nederlanda |
| Ŝtataneco | Reĝlando de Nederlando
|
| Okupo | |
| Okupo | esperantisto lernejestro
|
Sevenhuijsen estis prezidanto de la Vegetara Ligo Esperantista, la Tutmonda Asocio de Geinstruistoj Esperantistaj kaj estrarano de loka grupo, verŝajne en Harlemo.[1] Sevenhuijsen reprezentis la nederlandan Ministron de Instruado, Artoj kaj Sciencoj (OKW) en la 12-a kaj 13-a Universala Kongreso (1920 kaj 1921). Kiel esperantista instruisto li interalie verkis lernolibron por infanoj kaj bildkartojn, kiuj klarigas gramatikon.[2] Lia tombomonumento en Harlemo havas kvar piedojn, sur kiuj po unu idealisma vorto. La vortoj estas:
- Opvoeding (eduko);
- Vegetarisme (vegetarismo);
- Geheelonthouding (abstemio);
- Esperanto.[3]
Referencoj
redakti- ↑ "J. W. Sevenhuysen", Algemeen Handelsblad (10 februaro 1923), 2.
- ↑ "Sevenhuijsen", Enciklopedio de Esperanto (1933), 845-846.
- ↑ Rieks Witte, "Grafmonument Jan Willem Sevenhuijsen, Haarlem", amsterdamse-school.nl.
