Jules et Jim
Jules kaj Jim (france Jules et Jim [ʒyl e dʒim]) estas franca novonda drama amafera filmo de 1962, reĝisorita, produktorita kaj kunverkita de François Truffaut. Kun agado okazanta antaŭ kaj post la Unua Mondmilito, ĝi rakontas tragedian amtriangulon en kiu partoprenas franca bohemiisma Jim (Henri Serre), lia pli serioza aŭstria amiko Jules (Oskar Werner), kaj la fianĉino kaj poste edzino de Jules nome Catherine (Jeanne Moreau).[1]
| Jules et Jim | |
|---|---|
| filmo | |
| Originala titolo | Jules et Jim |
| Originala lingvo | franca lingvo • germana lingvo • angla lingvo |
| Kina aperdato | 23 jan. 1962, 23 feb. 1962, 1962 |
| Ĝenro | amafera filmo, filma dramo, amikopara filmo, filmo bazita de literatura verko |
| Kameraado | Raoul Coutard |
| Reĝisoro(j) | François Truffaut |
| Produktisto(j) | Marcel Berbert • François Truffaut |
| Scenaro | Jean Gruault • Henri-Pierre Roché • François Truffaut |
| Loko de rakonto | Parizo |
| Muziko de | Georges Delerue |
| Rolantoj | Jeanne Moreau • Oskar Werner • Henri Serre • Marie Dubois • Sabine Haudepin • Serge Rezvani • Michel Subor • Jean-Louis Richard |
| IMDb | |
La filmo estas bazita sur duon-membiografia romano de la avangarda verkisto Henri-Pierre Roché de 1953 rakontanta sian rilaton kun la juna verkisto Franz Hessel kaj lia edzino Helen Grund.[2] Truffaut trafis la libron meze de la 1950-aj jaroj ĉe la librovendistoj laŭlonge de la Sejno en Parizo. Li poste amikiĝis kun la maljuna Roché, kiu estis publikiginta sian unuan romanon estante 74-jaraĝa. La aŭtoro aprobis la intereson de la juna reĝisoro por adapti la verkon al alia komunikilo.
La filmo ricevis plurajn premiojn kaj nun estas konsiderata kulta filmo.
Intrigo
redaktiJules kaj Jim estas du amikoj jam en la komenco de la filmo. Kiam ili ferias kun Catherine, ambaŭ roluloj iom distanciĝas kaj ilia amikeco duopa iĝas triopo, en kiu ambaŭ viroj enamiĝas de Catherine. Jules avertas Jim, ke Catherine estos lia edzino kaj sekve li ne devas seksallogi ŝin. Oni antaŭmetas averton pri eventuala konscio pri la tragedia flanko de la filmo. Catherine elektas finfine Jules kaj edziniĝas al li. Sed la amikeco inter ambaŭ viroj pluas. Sekvas tumulta periodo dum la Unua Mondmilito en kiu ambaŭ pro sia nacieco luktas en malaj flankoj, konstante timante, ke ili povus intermortigi sin unu la alian batale.
Post la batalĉeso, Jim rekuniĝas kun siaj geamikoj en ilia kampara germana ĉaledo kaj li komprenas, ke la amparo ne bone funkcias kaj ekscias, ke Catherine havis / havas amantojn. Ili loĝas tute kunaj kaj kompliceco inter Jim kaj Catherine kreskas, kaj ili eĉ deziras havi filon. Ilia nova amparo ne ĝenas Jules, eĉ se ili kunloĝas en la sama domo, kaj Jules promesas ami Catherine ĉiuokaze. Tamen ankaŭ la ligo inter Jim kaj Catherine malvarmiĝas kaj ŝi minacas pafi Jim, kiu fuĝas sukcese. Tamen la triopo denove promenas kampare kune; ŝi veturigas Jim per sia aŭto kaj sekvas nebremsante el rompita ponto al rivero, kie ambaŭ dronas dum Jules demalproksime rigardas nepovante eviti la katastrofon.
Geaktoraro kaj roluloj
redakti- Jeanne Moreau: Catherine
- Oskar Werner: Jules, la aŭstro
- Henri Serre: Jim, la franco
- Marie Dubois: Thérèse
- Cyrus Bassiak (Serge Rezvani): Albert, la gitaristo, amanto de Catherine
- Sabine Haudepin: Sabine
- Annie Nelsen: Lucie
- Vanna Urbino: Gilberte, fianĉino de Jim
- Bernard Largemains: Merlin
- Dominique Lacarrière :
- Jean-Louis Richard :kafeja kliento
- Michel Varesano:kafeja kliento
- Elen Bober: Mathilde
- Christiane Wagner
- Michel Subor: voĉo de la rakontisto
Referencoj
redakti- ↑ "Jules et Jim review – Truffaut's love triangle is a whirlwind masterpiece", The Guardian, 2a de Februaro 2022.
- ↑ "Stéphane Hessel, un homme engagé : 'J’ai toujours été du côté des dissidents'" Télérama (12a de Marto, 2011). Alirita la 17an de Marto, 2011, france.