Karba

Karba estas domaro en Ĉeĥio, parto de municipo Zahrádky en valo de rojo Robečský potok sur enirejo kun nacia naturmemorindaĵo Peklo.

Karba
domaro
Domaro Karba
Oficiala nomo: Karba
Ŝtato	Ĉeĥio
Regiono	Regiono Liberec
Distrikto	Distrikto Česká Lípa
Administra municipo	Zahrádky
Historia regiono	Bohemio
Montaro	Doksa montetaro
Situo	Karba
- koordinatoj	50° 38′ 25″ N 14° 30′ 46″ O (mapo)
Horzono	MET (UTC+1)
- somera tempo	MET (UTC+2)
Situo enkadre de Ĉeĥio Situo enkadre de Ĉeĥio
Vikimedia Komunejo: Karba
Portalo pri Ĉeĥio

Historio

Domaro Karba estas konata ekde la 17-a jarcento kiel ekskursa loko antaŭ la enirejo en la valon Peklo kreita de rojo Robečský potok en grejsaj rokoj. Ĝi estis fondita verŝajne post konstruado de proksima kastelo Nový zámek, hodiaŭ nomita Kastelo Zahrádky. Estis ĉi tie du ekskursaj gastejoj, kelkaj ĝis nun konservitaj konstruaĵoj estas konataj ekde la jaro 1654. La kerno de la hodiaŭa domaro estas kapeleto el la jaro 1736 kaj domoj en ĝia ĉirkaŭaĵo. Proksime de Karba estadis solejo Wokschenberg.

Interesaĵoj

Ĉe la domaro tranĉas la valon en granda alteco fervojlinio el Česká Lípa ĝis Lovosice sur volbitaj arkoj. Ponto el fino de la 19-a jarcento estas registrita kiel teknika memorindaĵo.

Vojaĝtrafiko

De la fervoja haltejo Zahrádky malsupreniras ĝis Karba flave markita turisma vojo, kie ĝi ligas al ruĝa turisma vojo, kondukanta tra la valo de Peklo kaj tra la tuta domaro. La ruĝa vojo estas internacia, eŭropa longdistanca vojo E10, turiste abunde frekventata.

Pluaj fotoj

• 
  Roka gastejo en Karba, ĉirkaŭ 1862
• 
  Karba
• 
  Karba
• 
  Kapeleto meze de Karba