Kimberleja pipio

La Kimberleja pipio, Anthus pseudosimilis, estas mezgranda paserina birdo, membro de la genro de pipioj kaj familio de Motaciledoj (kiu enhavas ankaŭ la motacilojn kaj longungulojn) kiu reproduktiĝas en savanaj herbejoj de Sudafriko kaj Namibio.

Kiel legi la taksonomion Kimberleja pipio
A. c. rufuloides A. c. bocagii
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Paseroformaj Passeriformes Familio: Motaciledoj Motacillidae Genro: Anthus Specio: 'A. pseudosimilis'
Dunomo
Anthus pseudosimilis (Liversidge kaj Voelker, 2002)
Aliaj Vikimediaj projektoj

Tiu ĵus priskribita pipio estas 18 cm longa kaj pezas ĉirkaŭ 32 g. Ties plumaro estas ĉefe bruna.

La Kimberleja pipio manĝas insektojn surgrunde. Ĝi estas monogama. La ino demetas 2 al 3 bluajn ovojn.

Foje konsiderata kiel A. difficilis. Ĵus malkovrita specio, separata el la simila Longbeka pipio, A. similis, pro pruvoj de DNA. Analizoj de molekula genetiko sugestas pli proksimajn rilatojn kun la Melinda pipio, A. melindae; eble proksima ankaŭ de la Senmarka pipio, A. leucophrys, aŭ de la Cinamopipio, A. cinnamomeus. Ĝi estas monotipa.

Distribuado de tiu specio estas tre malbone konata. Plej parto de vidaĵoj okazis an la Kimberleja areo de centra Sudafriko (orienta Norda Kabprovinco- Okcidenta Libera Ŝtato); ankaŭ en nordokcidenta Kablando kaj oriento de la Norda Provinco, kaj en suda Namibio kaj en la limo Bocvano-Sudafriko (Translima Parko Kalagkadi).

Referencoj

• sudafrikaj birdoj Arkivigite je 2011-07-25 per la retarkivo Wayback Machine