Kristin Tytgat
Kristin Tytgat – prononco [KRIStin TITĥat], naskiĝis en 1955 – estas belga esperantistino, fakte flandra. Esperanton ŝi parolas denaske, kaj kun sia fratino Ite ŝi estas la tria generacio en esperantista familio – intertempe ekzistas kvara generacio. Kristin tre aktivis jam en la 1970-aj jaroj en FLEJA kaj TEJO, kiam ŝi ankoraŭ estis lernejano kaj poste studis filologion de ĝermanaj lingvoj en la Universitato de Antverpeno kaj filologion de slavaj lingvoj en la Katolika Universitato de Loveno, nun estante Magistro (“Master of Arts”) de la Interuniversitata Centro por Orienteŭropaj Studoj en Flandrio (Belgio). Post la studentaj jaroj ŝi daŭre restis aktiva en la Esperanto-movado, kontribuante aparte al la funkciado de Flandra Esperanto-Ligo kaj la Esperanto-domo de Antverpeno. Samtempe ŝi okazigis multajn Esperanto-kursojn kaj prelegojn pri lingvaj temoj en pluraj eŭropaj landoj, kaj tiucele kunlaboras ankaŭ en ILEI.
| Kristin Tytgat | |
|---|---|
| |
| Persona informo | |
| Naskiĝo | 1955 en  Belgio
|
| Lingvoj | Esperanto • flandra • nederlanda • germana • franca • angla |
| Nacieco | belga |
| Ŝtataneco | Belgio |
| Okupo | |
| Okupo | esperantisto • lingvisto |
Ŝi loĝas en Antverpeno, havas rusan edzon kaj ĝis sia emeritiĝo fine de 2018 instruis la germanan lingvon kaj kursojn pri tradukado kaj interpretado en la Libera Universitato de Bruselo en la sekcio de aplikata lingvistiko. Krome ŝi ankaŭ respondecis pri internaciaj rilatoj en la fakultato de literaturo kaj filozofio. Kadre de la labortagoj en Bruselo ŝi ankaŭ kontribuis al la Esperantista Brusela Grupo kaj aldone ŝi daŭre reprezentas la Belgan Esperanto-Federacion en la Komitato de UEA, ankaŭ en la laborperiodo 2022-2025.
Eksteraj ligiloj redakti
- paĝo pri Kristin Tytgat en la Panteono de Edukado.net (esperante)
- jen ekzempla anonco pri prelego de ŝi pri interkultura komunikado (esperante)