La Taha

La Taha estas vilaĝo kaj municipo de la Aŭtonoma Komunumo Andaluzio, en la provinco Granada, sude de Hispanio. Ĝi estas en la centra parto de la komarko Alpujarra Granada. En 2018 estis 653 loĝantoj. Limas kun la municipoj Pampaneira, Bubión, Capileira, Pórtugos, Busquístar, Almegíjar, Torvizcón, Órgiva kaj Carataunas. Tra la municipa teritorio fluas la riveroj Trevélez, Guadalfeo kaj Poqueira.

La Taha
Blazono
Administrado
Poŝtkodo	18414 (Capilerilla, Pitres) 18416 (Atalbéitar, Ferreirola, Fondales, Mecina, Mecinilla) [+]
En TTT	Oficiala retejo [+]
Demografio
Loĝantaro	727  (2022) [+]
Loĝdenso	28 loĝ./km²
Geografio
Geografia situo	36° 56′ N, 3° 20′ U (mapo)36.936111111111-3.3255555555556 [+]
Alto	1 295 m [+]
Areo	26 km² (2 600 ha) [+]
Horzono	UTC+01:00 [+]
DEC Situo de La Taha
DEC Situo de La Taha
Alia projekto
Vikimedia Komunejo La Taha [+]

Situo de La Taha en la provinco Granada.

La municipo enhavas la domarkernojn Pitres —ĉefurbo kaj sidejo de la municipo—, Mecina, Ferreirola, Fondales, Capilerilla, Atalbéitar kaj Mecinilla. Menciindas ankaŭ la senhomejo de Aylácar.

La Taha estas ene de le teritorio de la Natura Parko kaj de la Nacia Parko de Sierra Nevada. Tiu municipo estas en la suda deklivaro de la montaro je 1200 aŭ 1300 metroj de altitudo, dependante de la kerno. Grava parto de ĝia municipa teritorio estis deklarita Havaĵo de Kultura Intereso, en 2007, inkludita en la Historia Loko de la Alpujarra Media y la Taha.

En tiu municipo la agrikulturo estis la bazo de la ekonomio, kaj elstaras la kultivoj de irigacio kiel terpomoj, maizo, fruktarboj kaj legomoj, kaj en la lastaj jaroj la rura senloĝigo estis la tialo de neplugitaj teroj. Ankaŭ la brutobredado, ĉefe de ŝafoj kaj kaproj, ludis gravan rolon. Same la rura turismo estis grava enspezofonto por la zono alpujara.