Vikipedio

Lancelotto Malocello

Lanceloto MALOCELLO (en itala Lanzerotto Malocello, Lancelotto aŭ Lanzarote; en latina: Lanzarotus Marocelus; en franca: Lancelot Maloisel) estis naviganto kaj esploristo de la Ĝenova Respubliko de la 14-a jarcento agnoskita kiel eŭropa remalklovrinto mezepoka de la Kanariaj insuloj, kaj kiel la deveno de la nomo de la insulo Lanzarote.

Lancelotto Malocello
Persona informo
Naskiĝo 1-an de januaro 1270 (1270-01-01)
en Varazze
Morto 1-an de januaro 1336 (1336-01-01) (66-jaraĝa)
en Ĝenovo
Okupo
Okupo esploristo
v • d • r

Malocello estis komercisto, kiu apartenis al la ĝenova ŝiparo de Manuel Pessanha je la servo de la Reĝlando Portugalio.[1] Estas multaj duboj pri sia vivo kaj eĉ pri sia morto.[2]

Tamen la ekspedicio de Malocello al Kanarioj ja estas historia fakto, konfirmita per la la havenmapo de 1339 fare de la majorka aŭ ĝenova Angelino Dulcert. En ĝi aperas la insulo Lanzarote nomita Insula de Lanzarotus Marocelus, sub ĝenova flago. Pli moderna esplorado ĉirkaŭkalkulas, ke la ekspedicio okazis ĉirkaŭ la 1330-aj jaroj,[3][4] kaj Rodríguez Wittmann proponis, ke eble la veturo enkadriĝis en la portugalaj klopodoj ekspansii siajn limojn al la oceano.[1] Sed tradicie oni akceptis, ke temas pri ekspedicio en 1312 serĉe al la ĝenovaj fratoj[5] Ugolino kaj Vadino Vivaldi, kiuj en 1291 estis entreprenintaj veturadon ĉirkau Afriko cele al Hindio. Malocello estus restinta en Lanzarote ĉirkaŭ du dek jarojn, konstruinta kastelon en la insulo kiu estus poste profitita komence de la 15-a jarcento de la normanaj konkeristoj Johano de Béthencourt kaj Gadifer de La Salle.[1][6]

Referencoj redakti

  1. ↑ 1,0 1,1 1,2 Rodríguez Wittmann, 2015, p. 249.
  2. ↑ Quartapelle, 2017, p. 29.
  3. ↑ Pellegrini, 2000, p. 786.
  4. ↑ Quartapelle, 2017, p. 37.
  5. ↑ José Azuaje-Fidalgo (22a de decembro 2020). «The other “Christopher Columbus”.». Medium. Konsultita la 31an de januaro 2021.
  6. ↑ Sosa Suárez kaj Tejera Gaspar, 1998, pp. 410-412.

Literaturo redakti

  • Pellegrini, Sandro (2000). Lazzarotto Malocello: la fama de un mapa naútico. XIV Coloquio de Historia Canario-americana. Kunord. Francisco Morales Padrón. Las Palmas de Gran Canaria: Cabildo de Gran Canaria. ISBN 84-8103-324-3.
  • Quartapelle, Alberto (2017). «El redescubrimiento de las Islas Canarias en el Anno Domini 1339». Revista de Historia Canaria (San Cristóbal de La Laguna: Universidad de La Laguna) (199): 11-37. ISSN 0213-9472. Konsultita la 30an de aŭgusto 2019.
  • Rodríguez Lorenzo, Félix; Suárez Acosta, José Juan; Quintero Padrón, Carmenlo L. (1988). Conquista y colonización. San Cristóbal de La Laguna: Centro de la Cultura Popular Canaria. ISBN 84-404-1254-1.
  • Rodríguez Wittmann, Kevin (2015). «Descubriendo el velo: El recuerdo medieval de las Afortunadas en los portulanos mediterráneos del XIV». Revista de Historia Canaria (San Cristóbal de La Laguna: Universidad de La Laguna) (197): 204-228. ISSN 0213-9472. Konsultita la 30an de aŭgusto 2019.
  • Sosa Suárez, Elena; Tejera Gaspar, Antonio (1998). Vestigios arqueológicos de los primeros asentamientos europeos en las Islas Canarias de los siglos XIV y XV. XII Coloquio de Historia Canario-americana (1996) 1. Kunord. Francisco Morales Padrón. Las Palmas de Gran Canaria: Cabildo de Gran Canaria. ISBN 84-8103-186-0.


  • En tiu ĉi artikolo estas uzita traduko de teksto el la artikolo Lanceloto Malocello en la hispana Vikipedio.
Bibliotekoj
Elŝutita el "https://eo.wikipedia.org/w/index.php?title=Lancelotto_Malocello&oldid=8230905"