Las brujas de Zugarramurdi
Las brujas de Zugarramurdi (la sorĉistinojj de Z.) estas hispana filmo reĝisorita de Álex de la Iglesia kaj stelulita de Hugo Silva, Mario Casas, Jaime Ordóñez, Carolina Bang, Terele Pávez kaj Carmen Maura. La intrigo de la filmo estas inspirita en la kazo de la Sorĉistinoj de Zugarramurdi fare de la hispana Inkvizicio en 1610: 39 virinoj de Zugarramurdi estis procesitaj, akuzitaj de sorĉado, el kiuj 11 estis kondamnitaj en Logroño je brulŝtiparo (kvin el kiuj jam estis mortintaj).[1][2]
| Las brujas de Zugarramurdi | |
|---|---|
| filmo | |
| Originala titolo | Las brujas de Zugarramurdi |
| Originala lingvo | hispana lingvo |
| Kina aperdato | 14 sep. 2013, 20 feb. 2014 |
| Ĝenro | hororkomedio |
| Kameraado | Kiko de la Rica |
| Reĝisoro(j) | Álex de la Iglesia |
| Produktisto(j) | Enrique Cerezo |
| Scenaro | Álex de la Iglesia • Jorge Guerricaechevarría |
| Loko de rakonto | Hispanio |
| Muziko de | Joan Valent |
| Rolantoj | Carmen Maura • Hugo Silva • Mario Casas • Carolina Bang • Carlos Areces • Javier Botet • Macarena Gómez • Secun de la Rosa • Terele Pávez • Pepón Nieto • Enrique Villén • Santiago Segura • María Barranco • Jaime Ordóñez • Manuel Tallafé • Alexandra Jiménez • José Luis Moreno • Priscilla Delgado • Topacio Fresh |
| Honorigoj | Goya Award for Best Sound |
| IMDb | |
La filmo estis premierita en la Internacia filmfestivalo de Toronto de 2013, kie li formis parton de la fako "Midnight Madness". Ĝi estis prezentita eksterkonkurse en la Donostia Internacia Filmfestivalo de 2013, koincide kun la havigo de la Premio Donostia al Carmen Maura.
Intrigo redakti
José (Hugo Silva) estas divorcita patro kiu estis promesinta al sia filo Sergio (Gabriel Delgado) viziton al Disneyland Paris. Tony (Mario Casas) estas virindiboĉulo. Ambaŭ estas sendungitoj. Tial ili ŝtelas valorajn juvelojn en lombardejo ĉe Sunpordo en Madrido. Tony ne kontentas, ke José portis sian infanan filon Sergio, kaj krome la ŝtelado rezultas en pafado kaj mortoj. Por fuĝi de la polico en direkto al Francio, José kaj Tony kidnapas Manuel (Jaime Ordóñez), taksiisto admiranto de la okultisma ĵurnalisto Íker Jiménez. Survoje tra la navara loĝloko Zugarramurdi, la triopo estas kidnapita siacive de grupo de eŭskaĵ sorĉistinoj estritaj de la malica Graciana (Carmen Maura). Aliaj sorĉistinoj estas Maritxu (Terele Pávez), Kontxi (Carlos Areces), Miren (Santiago Segura) kaj Eva (Carolina Bang), seksaltira sorĉistino kiu disputigos José kaj Tony. Plia kompliko: la policanoj Pacheco (Secun de la Rosa) kaj Calvo (Pepón Nieto) persekutas ilin, fakte malantaŭ Silvia (Macarena Gómez), la eks-edzino de José, kiu celas sian filon Sergio.
La sorĉistinoj vere havas superpovojn, kiel indas, kaj sekvas iom magiaj epizodoj en kiuj la sorĉistinoj, la du ŝtelistoj, la policanoj, la infano, lia patrino ktp., interplektiĝas en diversaj aventuroj. Tiukadre oni liberigas Luismi (frato de Eva), kiu estis malliberigita en ublieto dum jaroj. Tiu preskaŭ superrealisma agado ankoraŭ supreniros pluan ŝtupon al pli malrealisma etoso.
Luismi kaj José alvenas al kaverno, kie aro de sorĉistinoj adoras gigantan diinon, dum Tony, Manuel, Pacheco kaj Calvo atendas morton sur brulŝtiparo. La diino (simila al la Venuso de Willendorf) englutas Sergio, kiu trairas ŝin, kaj la sorĉistinoj konsideras, ke li estos ilia estro kontraŭ la civilizo kaj la patriarkeco. José atakas la sorĉistinojn helpita de Eva, kiu sukcesas detrui la diinon dum José fuĝas el la ĥaoso kun Sergio, Eva kaj la aliuloj.
Geaktoraro kaj roluloj redakti
- Hugo Silva - José Fernández Cuesta
- Mario Casas - Antonio "Tony"
- Jaime Ordóñez - Manuel Sánchez García
- Gabriel Delgado - Sergio Fernández
- Pepón Nieto - policano Alfonso Calvo
- Carolina Bang - Eva
- Terele Pávez - Maritxu
- Santiago Segura - Miren
- Macarena Gómez - Silvia
- Merlina Oviedo de la Fuente - Carmela Banegas
- Secun de la Rosa - policano Jaime Pacheco
- Alexandra Jiménez - Sonia
- Javier Botet - Luis Miguel "Luismi"
- Enrique Villén - marĝenulo
- Carlos Areces - Conchi
- Manuel Tallafé - Badajoz-ano
- María Barranco - maljunulino
- Carmen Maura - Graciana Barrenetxea
- Ángel Jodrá - ostaĝo
Referencoj redakti
Eksteraj ligiloj redakti
- Loko de la kavernoj de Zugarramurdi
- El 14 de septiembre de 2013 se presentó en el Festival de Cine de Toronto en la sección "Midnight Madness". Arkivigite je 2013-10-05 per la retarkivo Wayback Machine (el Retarkivo 20131005021949)
- Se presentó fuera de concurso en el Festival de San Sebastián el 27 de septiembre de 2013.
- En tiu ĉi artikolo estas uzita traduko de teksto el la artikolo Las brujas de Zugarramurdi en la hispana Vikipedio.