Lipo (lando)

Por aliaj signifoj, bv. rigardi la apartigilan paĝon: Lipo (apartigilo)

Lipo, germane Lippe aŭ Lippe-Detmold, estis germana ŝtato. Ĉefurbo estis laste Detmold. La regado de la Lipa dinastio estas dokumentita ekde la 12-a jarcento. En 1528 la nobela teritorio Lipo estis rangaltigita al graflando en la Sankta Romia Imperio, en 1789 la graflando estis rangaltigita al princlando. Ĝis 1806 Lipo estis membroteritorio de la Sankta Romia Imperio, de 1806 ĝis 1813 membro de la Rejna Federacio, de 1816 ĝis 1866 de la Germana Federacio, ekde 1866 de la Nordgermana Federacio kaj ekde 1871 de la Germana Regno; post 1919 demokratia "libera ŝtato" (= respubliko) kiel lando de la Vajmara Respubliko. En 1947/1948 la lando Lipo devis, pro premo de la britaj okupaciantoj, forlasi sian plurjarcentan memstarecon kaj aliĝi al najbara federacia lando. Lipo decidis do aliĝi al la ĵus nove fondita lando Nordrejn-Vestfalio. Ĝia teritorio proksimume samas kun tiu de la hodiaŭa distrikto Lippe.

1. Princlando Lipo 2. Libera Ŝtato Lipo
Plena origina nomo: 1. Fürstentum Lippe 2. Freistaat Lippe
←  12-a jarcento – 1947  →
historia lando
Geografio situo de Lipo en la Germana Regno 1905
Ĉefurbo:	Detmold
Areo:	1 215 km² (1910)
Loĝantaro
Kvanto de loĝantoj:	150,937 (1910)
Nacia konsisto:	germanoj
Lingvoj:	germana
Religio:	protestantismo
Ŝtat-strukturo
Ŝtat-strukturo:	monarkio 1. konstitucia monarkio (ekde 1789 princlando) 2. respubliko (ekde 1918)
Patrina lando:	ĝis 1806: Sankta Romia Imperio 1806-1813: Rejna Federacio 1816-1866: Germana Federacio 1866-1871: Nordgermana Federacio 1871-1918: Germana Imperiestra Regno 1918-1947: Vajmara Respubliko
Antaŭaj ŝtatoj: 12-a jarcento Postsekvaj ŝtatoj: Nordrejn-Vestfalio Elstaraj historiaj eventoj Diplomatiaj Rilatoj

Libera Ŝtato Lipo en 1920

Granda blazono de la princlando Lipo

Blazono de Lipo ekde 1933

Blazono de Nordrejn-Vestfalio kun la rozo de Lipo sube

Vidu ankaŭ

• Vestfalio-Lipo
• regiona ligo Vestfalio-Lipo
• Lipa dinastio

Lipo (lando) en la Vajmara Respubliko (1918-1933)