Litice nad Orlicí
Litice nad Orlicí estas malgranda vilaĝo kaj ekskursloko en Žamberecká pahorkatina en distrikto Ústí nad Orlicí en Regiono Pardubice, Ĉeĥio. Vivas ĉi tie 161 loĝantoj (2021). Ĝi troviĝas en profunda valo de rivero Divoká Orlice proksimume 8 km okcidente de Žamberk. La vilaĝeto estas parto de municipo Záchlumí. En arbaroriĉa monteto super la vilaĝo troviĝas ruino de buro Litice, fondita en la 13-a jarcento. Litice nad Orlicí situas sur fervojlinio n-ro 021 (Hradec Králové - Týniště nad Orlicí - Žamberk - Letohrad).
| Litice nad Orlicí | |
| germane Lititz | |
| vilaĝo | |
 Valo sub burgo Litice
| |
| Oficiala nomo: Litice nad Orlicí | |
| Ŝtato |  Ĉeĥio
|
|---|---|
| Regiono | Regiono Pardubice |
| Distrikto | Distrikto Ústí nad Orlicí |
| Administra municipo | Záchlumí |
| Historia regiono | Bohemio |
| Montaro | Suborlica montetaro |
| Memorindaĵo | Litice burgo |
| Rivero | Divoká Orlice |
| Situo | Litice nad Orlicí |
| - alteco | 450 m s. m. |
| - koordinatoj | 50° 05′ 17″ N 16° 21′ 08″ O / 50.08806 °N, 16.35222 °O (mapo) |
| Katastro | 2,82 km² (282 ha) Litice nad Orlicí |
| Loĝantaro | 161 (2021) |
| Denseco | 57,09 loĝ./km² |
| Horzono | MET (UTC+1) |
| - somera tempo | MET (UTC+2) |
| Poŝtkodo | 561 86 |
  Situo enkadre de Ĉeĥio
| |
 Vikimedia Komunejo: Litice nad Orlicí
| |
| Retpaĝo: www.litice-nad-orlici.cz | |
 Portalo pri Ĉeĥio
| |
Historio redakti
De la 13-a jarcento situis en bela pejzaĝo super Divoká Orlice sur alta rokelstaraĵo (470 m s.m. kaj 95 m super la ĉirkaŭanta tereno) burgo Litice. Ĝi estas signifa memorindaĵo de malfrugotika fortika konstruado. El origina burgo de familiaro Drslavic, rememorata en la jaro 1304 estas apenaŭaj restaĵoj. Nuntempa burgo estis konstruita dum regado de Georgo el Poděbrady al kies familiaro ĝi apartenis de la jaro 1371. En la 17-a jarcento ĝi jam estis neloĝata.
Loĝantaro redakti
| Jaro | Loĝantoj |
|---|---|
| 1869 | 181 |
| 1880 | 206 |
| 1890 | 224 |
| 1900 | 228 |
| 1910 | 259 |
| 1921 | 223 |
| Jaro | Loĝantoj |
|---|---|
| 1930 | 197 |
| 1950 | 240 |
| 1961 | 263 |
| 1970 | 229 |
| 1980 | 196 |
| 1991 | 148 |
| Jaro | Loĝantoj |
|---|---|
| 2001 | 146 |
| 2011 | 186 |
| 2021 | 161 |
Memorindaĵoj redakti
Burgo redakti
La burgo konsistas el ekstera fortikaĵo kaj interna burgo. Malantaŭ la ponto trans fosaĵo estas tura pordego, ornamita per reliefoj, maskoj, blazonoj kaj jarnumero 1468. En ekstera murego estas du bastionoj, prisma kaj ronda. Ĉe okcidenta flanko estas antaŭburgo kun du pluaj pordegoj. Interna burgo situas sur verto de la monto en oblonga situo. Sur pli mallongaj flankoj, norda kaj suda, estas loĝejaj aloj. Oriente estas restoj de mallarĝa neĉefa alo kun prisma turo. En la turo estas kvar malfrugotikaj portaloj - pintarka, ortangula kun ornamita embrazuro, sela kaj ortangula.
Kun najbara deklivo de Kletná la burga monto estas ligita per tiel mallarĝa kersto, ke eĉ unuopulo povas sur ĝi nur malfacile iri. Tiu ĉi kersto estas trafosita per fervoja tunelo 273 m longa kaj per akva tunelo, t.n. Musa truo. Tiu dua tunelo estis konstruita en la 16-a jarcento, dum sinjoreco de familiaro Pernštejn, onidire de turkaj militkaptitoj. Sur Musa truo estis en ĉi nova tempo konstruita aŭtomata elektrocentrejo. La burgon iam posedis reĝoj Karolo la 4-a kaj Georgo el Poděbrady. Ĉirkaŭ la jaro 1740 Litice estis urbeto, kio atestas surskribo sur la komunuma stampilo "Mestic Litic".
Legendo redakti
Estas legendo, ke en Litice estas kaŝita valora trezoro, nome 12 oraj apostoloj. En la burgo iam vivis ermito. Neniu demandis kiu li estas nek de kie li venis. Oni rakontas, ke li ĉiutage, longe ĝis nokto ĉie en la burgo fosis kaj pene serĉadis la trezoron, detruante per tio ankaŭ konstruaĵojn de la burgo mem. Kio estis konservita kaj valora li prenis por si. Poste li senatende malaperis.
Ĉasista kasteleto redakti
Okcidente vidalvide de la burgo estas teretaĝa kasteleto el la jaro 1820. Ĝi estis rekonstruita en forstejo, ĉe kio estis la fenestroj malstile larĝigitaj.
Kapelo redakti
En la vilaĝo estas kapelo de Kristo Paŝtisto el la dua duono de 19-a jarcento, pseŭdoromanika kun nuntempa ekipaĵo. Bela estas malgranda Kalvaria vojo.
Krucifikso redakti
Ŝtona krucifikso devanas el la jaro 1814.
Kampanileto redakti
Ankaŭ en Litice nad Orlicí estas kampanileto. Kiam ĝi estis konstruita ne estas konate kaj eĉ ne ekzistas mencio pri ĝi el malnovaj tempoj. La unua bildigo kaj priskribo de ĝi estas en libro “Hrady, tvrze a zámky České II” de August Sedláček el la jaro 1883. En 1917 estis konfiskita por militaj celoj la sonorilo. En la jaro 1947 estis en Litice malfermita nova tombejo, kio gravigis bezonon de nova sonorilo. Tiu estis mendita kaj gisita en Hradec Králové ĉe firmao Bělohoubek en la jaro 1948. En la vilaĝo oni sonoras ĉiuvespere anĝeluson.
Ekonomio redakti
En Litice estas granda ŝtonminejo, kiu produktas bonegan granitan ŝtonon kaj ankaŭ cement- kaj stuko-fabriko de la firmao Orlit.
Fotogalerio redakti
-
Rivero Divoká Orlice inter Záchlumí kaj Litice nad Orlicí -
Sonoriltureto en Litice -
Enirpordego de burgo Litice -
Dometo sub burgo -
