Llibert Puig i Gandia

hispana esperantisto

Llibert Puig i Gandia (Sabadell, 1933 - Sabadell, 2018)[1] estis kataluna Esperanto-aktivulo. Li estis la patro de Òscar Puig i Cánovas. Lerninta Esperanton en la unua postmilita kurso en sia naskiĝ-urbo, li tuj fariĝis estrarano de la nov-fondita Centro de Esperanto Sabadell, kies prezidanto kaj bulten-redaktoro li poste fariĝis dum jardekoj. Li kunfondis ankaŭ Teatran Junularan Grupon kaj tradukis por ĝi.

Llibert Puig i Gandia
Llibert puig.jpg
Persona informo
Naskiĝo 31-an de decembro 1933 (1933-12-31)
en Sabadell
Morto 7-an de aprilo 2018 (2018-04-07) (84-jara)
en Sabadell
Tombo Sabadell
Lingvoj Esperantohispana
Ŝtataneco Hispanio
Familio
Infano Òscar Puig i Cánovas
Okupo
Okupo esperantisto
Wikidata-logo.svg
Information icon.svg
vdr

Relanĉinto de la kataluna Esperanto-movado, li organizadis la jarajn esperanto-renkontiĝojn (vd. Barcelon-Provinca Esperantista Renkontiĝo kaj Kataluna Esperantista Renkontiĝo) kaj prezidis la Kunordigan Servon de Hispana Esperanto-Federacio en Katalunio. En 1980 li kunfondis Katalunan Esperanto-Asocion kaj en diversaj periodoj fariĝis ties prezidanto, sekretario, kasisto aŭ redaktoro de la asocia organo, Kataluna Esperantisto.

En 1978 li kunfondis IKEL kaj ekmembris en ties estraro.

ReferencojRedakti

  1. "Forpaso. Llibert Puig i Gandia (31.12.1933 – 07.04.2018)". 1324(5) Majo 2018 Esperanto p. 118.