Lotto Sport Italia
Lotto Sport Italia estas itala produktanto de ŝuoj, ekipaĵoj kaj sportaj vestaĵoj por diversaj sportoj: futbalo, retpilko, teniso, hokeo, kaj por malsamaj atletikoj. Ĝi estis fondita en 1973. La ĉefsidejo de la firmao estas en Trevizo, Italio, kie la firmao ankaŭ estis fondita kaj nuntempe ĝi funkcias en pli ol 60 landoj ĉirkaŭ la mondo.
Lotto Sport Italia | ||
---|---|---|
![]() | ||
![]() | ||
negoco vd | ||
Dum | junio 1973 - nekonata/nuntempe | |
Jura formo | società per azioni | |
Sidejo | Trevignano | |
Lando | Italio | |
Agokampo | sporta vestaĵo | |
TTT | Oficiala retejo | |
La firmao estis fondita en 1973 fare de la familio Caberlotto kiu posedis la lokan futbalteamon de Trevizo. La firmao unue komencis produkti tenisŝuojn kaj poste akcesoraĵojn por basketbalo, manpilko, atletiko kaj piedpilko [1].
Dum la unuaj 10 jaroj, ili koncentriĝis pri la itala enlanda merkato. Iom post iom, ili komencis investi en lanĉoj eksterlande. Dum la 1980-aj jaroj, ili kontraktis stelojn kiel ekzemple Ruud Gullit kaj povis establi sin kiel piedpilkbotproduktanton internacie.
La unuaj sponsoradinterkonsentoj de Lotto estis subskribitaj kun la futbalistoj Dino Zoff kaj Rod Hulit kaj kun la futbalteamoj Milano, la nederlanda nacia teamo, Napoli, Juventus kaj ChievoVerona kaj Real Zaragoza de Hispanio.
Lotto funkcias kiel sponsoro de multaj atletoj kaj futbalistoj tra la mondo, unu el kiuj plej elstaras estas la itala avanulo Luca Toni.
En Eŭropo, la firmao funkcias kiel la oficiala vesta firmao de la futbalteamoj: Genoa CFC , Cesena, Dijon, Sochaux, Mainz 05 kaj Hoffenheim.
Referencoj
redakti- ↑ History of Lotto Sports in "Football Shirt Culture" website. Footballshirtculture.com (2007-01-26). Arkivita el la originalo je 2012-03-11. Alirita 2011-12-07. Arkivigite je 2012-03-11 per la retarkivo Wayback Machine