Luzona ruĝvostulo
La Luzona ruĝvostulo (Rhyacornis bicolor) estas specio de birdo de la familio de Muŝkaptuledoj kaj genro de Rhyacornis, kiu havas krom tiun specion, kiu estas endemismo de la nordo de Filipinoj, nur alian kiu estas pli disvastigata en multaj sudaziaj landoj. Ties natura habitato estas subtropikaj aŭ tropikaj humidaj arbaroj de malaltaj teroj kaj subtropikaj aŭ tropikaj humidaj montarbaroj ĉiam ĉe riveroj. Ĝi estas minacata pro habitatoperdo. Ili formas parton de la grupo de la ruĝvostuloj, sed ne estas proksimaj parencoj de la veraj ruĝvostuloj nome fenikuroj.
 | ||||||||||||||
|---|---|---|---|---|---|---|---|---|---|---|---|---|---|---|
 Luzona ruĝvostulo
| ||||||||||||||
| Biologia klasado | ||||||||||||||
| ||||||||||||||
| Rhyacornis bicolor (Ogilvie-Grant, 1894) | ||||||||||||||
| Konserva statuso | ||||||||||||||
Aliaj Vikimediaj projektoj
| ||||||||||||||
Ĝi estas 15 cm longa birdo kun ĝenerala bluoranĝa koloro. Masklo havas malhelajn grizbluajn suprajn partojn, nuance al bruno en flugiloj. Tre oranĝbrunaj pugo, vosto kaj ventro. La ino estas simila, kvankam pli senkolora kun pli brunecaj pugo kaj vosto.
La voĉo estas komponita de altatonaj fajfoj.
La populacio estas ĉirkaŭkalkulita inter 2,500 kaj 10,000 individuoj, sed malpliiĝanta, ĉar estas danĝera minaco de redukto de habitato. La teritorio estas ĉirkaŭkalkulata je 7,200 km². La Luzona ruĝvostulo estas endemia de Filipinoj, kie ĝi loĝas ĉefe en sudo de Cordillera Central kaj ankaŭ ĉe montaro Sierra Madre en Luzono. Ĝenerale ĝi estas nekomuna kaj probable malpliiĝanta pro malgranda habitato ene de malgranda teritorio.
Referencoj
redakti- BirdLife International 2006. Rhyacornis bicolor[rompita ligilo]. 2006 IUCN Ruĝa Listo de Minacataj Specioj. Konsultita la 27an de julio 2007.
- Informo pri priskribo kaj disvastiĝo Arkivigite je 2009-01-03 per la retarkivo Wayback Machine Konsultita la 25an de septembro 2009.
Eksteraj ligiloj
redakti- BirdLife Species Factsheet. Arkivigite je 2009-01-04 per la retarkivo Wayback Machine