Marta (rivero)

Rivero Marta estas la elfluaĵo de Lago Bolsena. Ĝi longas 54 km kaj trafluas niveldiferencon de 305 m al la Tirena Maro, kiun ĝi atingas proksime de Tarquinia.

Marta
MartaRiverBeginningMartaLazio1.jpg
Bazaj informoj
Fluo
Geografio
Wikidata-logo.svg
Information icon.svg
vdr

Marta fluas en la provinco Viterbo, en la teritorio de la komunumoj Marta (ĉe Lago Bolsena), Tuscania kaj Tarquinia. Krom Lago Bolsena nutras ĝin la riveretoj Catenaccio kaj Traponzo.

En la epoko de la etruskoj ĉe la riverfino situis la havena loko Martanum (latina nomo). La valo de la rivero estis multe uzata kiel vojo por bovaroj inter la someraj kaj vintraj paŝtejoj, sed tiu formo de mastrumado estas mortanta.

En 2005 alta nivelo de Lago Bolsena kaŭzis inundojn de terenoj ĉe la rivero kaj ekigis diskutojn pri taŭgaj kontraŭrimedoj.