Mielno

Ĝemelurboj
	Schorfheide vd

	Mielno
	Blazono
urbo • feriurbo
Ĝemelurboj
	Schorfheide vd
Mielno (Pollando)
Mapo Mapo
Provinco	Okcidenta Pomerio
Distrikto	distrikto Koszalin
Aglomeraĵo	Ne estas
Koordinatoj	54° 15′ N, 16° 3′ O (mapo)54.2516.05Koordinatoj: 54° 15′ N, 16° 3′ O (mapo)
Alto super la marnivelo	32 m
Areo	7,61 km²
Loĝantaro	2200 (en 2004)
Poŝtkodo	75-900, 75-902, 75-007, 75-016
Telefona antaŭkodo	(+48) 94
Aŭtokodo	ZK0
TERYT	76-032
Adreso de estraro	ul. Bolesława Chrobrego 10
Poŝtkodo de estraro	76-032
Komunuma retejo	http://www.mielno.pl
	v • d • r

Mielno - ĝis la jaro 1945 germanlingve Groß Möllen - estas urbo de Pollando, kiu estas la administra centro de samnoma komunumo. Ĝi situas en la distrikto Koszalin de la provinco Okcidenta Pomerio, borde de la Balta Maro, kies sabla plaĝo konsistigas la nordan komunumolimon. Sude ĝi limas je la lago Jezioro Jamno (germane Jamunder See). La distrikta ĉefurbo Koszalin (germane Köslin) situas en distanco de 12 kilometroj sude, la same marborda urbo Kołobrzeg (germane Kolberg) en distanco de 35 kilometroj okcidente.

Mielno estas konata turisma celo kun sablaj plaĝoj ĉe la marbordo de la Balta Maro. Laŭ la komunuma situo kompreneblas ke la loĝantoj je granda parto vivas el gastigo de turistoj.

Esperanto

En Mielno ekde la jaro 1976 okazas tradiciiĝinta printempa respektive frusomera esperantista renkontiĝo de dekdu tagoj, nomata Ĉebalta Esperantista Printempo. En junio 2013 la evento festis sian 35-an jubileon.

De la 14-a ĝis la 26-a de junio 2024 tie okazos la 46-a Ĉebalta Esperantista Printempo.

Ekonomio

En novembro 2011, la pola energifirmao PGE sciigis ke la Gąski-distrikto estis konsiderita unu el tri eblaj lokoj por la konstruado de atomcentralo^[1]. En ne-laŭleĝe deviga referendumo en februaro 2012, el 4 100 elekteblaj balotantoj, 2 237 civitanoj parolis kontraŭ kaj 125 por la konstruo^[2].

Turismo

Inter la turismaj vidindaĵoj en Mielno, la Mielno-promeno kondukanta al la ĉefa enirejo al la plaĝo estas tre populara. Ĝuste ĉi tie troviĝas la Rosmaro-monumento (pole: Pomnik Morsa) de de Robert Sobociński, simbolo de frimakvaj banentuziasmuloj. Tie ankaŭ komenciĝas la ĉirkaŭ 1,5-kilometra marborda "Amikeca Promeno", kie oni povas vidi la Monumenton de la aviadistoj. Turistoj ankaŭ volonte vizitas la ĉemaran parkon, kie oni povas admiri malnovan slavan fortikaĵon, lignajn pinkonusajn monumentojn kaj militbunkrojn. Alia altiro en Mielno estas la fiŝkaptista jaĥtejo situanta en la distrikto Unieście kaj Lago Jamno. En la urbo funkcias ankaŭ la Mieleński Rosmarklubo "Eskimoj" kiu celas la popularigon de fizika kulturo kaj sportoj.