Ministerio pri supera instruado kaj esplorado (Francio)
La ministerio pri supera instruado kaj esplorado (france "Ministère de l'Enseignement supérieur et de la Recherche" aŭ MESR) estas unu el la du francaj minsierioj komisiitaj pri instruado kaj la ĉefa ministerio komisiita pri esplorado[2]. Ĝi situas je la numero 21 de strato Descartes, en la 5-a arondismento de Parizo, en la malnovaj lokoj de École polytechnique.
| Ministerio pri supera instruado kaj esplorado | ||
|---|---|---|
| Ministère de l'Enseignement supérieur et de la Recherche | ||
| ||
|
| ||
| Tipo | franca ministerio | |
| Fondodato | 18-a de majo 2007 | |
| Sidejo | 21, rue Descartes Parizo 5-a arondismento | |
| Lando | Francio | |
| Estro | Benoît Hamon (ministro pri supera instruado kaj esplorado) | |
| Buĝeto | 24,16 miliardoj da eŭroj (2009) | |
| Dungitaro | 11 253 (2013)[1] 240 000 (2011 - ODAC) | |
| Lingvoj | franca | |
| Retejo | Oficiala retpaĝo de la ministerio | |
HistorioRedakti
Le ministerio arigas du atribuojn, kiuj historie estis partoj de la ministerio pri edukado. La registaro de la Popola Fronto enhavis, en 1936, subsubministron pri scienca esplorado ĉe la ministro pri edukado, sed ĝi malaperis ekde junio 1937. En la registaro de Pierre Mendès France, ekde 1954, ekzistis en iuj registaroj subministerio ĉe la prezidanto de la Konsilio pri scienca esplorado kaj teknika progreso[3].
Memstara ministerio pri scienca esplorado aperis en la registaro de Michel Debré. Ekde tiam, esplorado aperis en pluraj registaroj en la titolo de ministerio aŭ de delegita ministerio, akompanata de la « atomaj kaj spacaj temoj » aŭ arigita kun industrio aŭ supera instruado.
La aŭtonoma subministerio pri universitatoj aperis en la 1-a registaro de Jacques Chirac en 1974 antaŭ ol fariĝi memstara ministerio en 1978 en la 1-a registaro de Raymond Barre. Ekde 1981, supera instruado estas denove ligita al edukado, tamen kun iu aŭtonomeco en delegita ministerio aŭ subministerio. Ministerio pri supera instruado kaj esplorado estas kreita por la unua fojo en 1993, en la registaro de Édouard Balladur. Ĝi estis rekreita en 2007.
OrganizadoRedakti
La nuna organizado de la ministerioj pri edukado kaj de tiu pri supera instruado kaj esplorado estis decidita en 2006, kaj ĝi estis modifita en marto 2009[4].
La ministro pri supera instruado kaj esplorado disponas pri du grandaj direkcioj : la ĝenerala direkcio pri supera instruado kaj profesia integriĝo kaj la ĝenerala direkcio pri inovado.
Komunaj servojRedakti
Tri servoj estas komunaj al la du ĝenralaj direkcioj :
- Servo pri strategia kunordigo kaj teritorioj ;
- Servo pri grandaj konstruprojektoj ;
- Subservo pri informsistemoj kaj sciencaj studoj.
Malcentrigitaj servojRedakti
En ĉiu el la tridek edukaj distriktoj, la ministerio estas reprezentata de edukdistrikta estro (france "recteur d'académie"), kanceliero de la universitatoj, kies servoj estas komunaj kun tiuj de la ministerio pri edukado.
En ĉiu regiono, la ministerio estas reprezentata, pro siaj atribuoj pri esplorado, inovado kaj rilatoj inter scienco kaj socio, per regiona delegito pri esplorado kaj teknologio. Konsilanto de la edukdistrikta estro, li zorgas pri la antaŭiro de la esplorado en la regiono kaj favorigas teknologiajn transiĝojn.
Atribuoj de la ministroRedakti
La ministro pri supera instruado kaj esplorado preparas kaj plenumas la politikon de la registaro por la kresko de la supera instruado.
MinistroRedakti
Pli detalaj informoj troveblas en artikolo Listo de la francaj ministroj pri esplorado kaj teknologioj.Notoj kaj referencojRedakti
- ↑ (PDF) Dungitaro de la ministerio en la jaro 2013 Arkivigite je 2013-04-18 per la retarkivo Wayback Machine sur la retpaĝo www.performance-publique.gouv.fr
- ↑ La ministerio pri agrikulturo enhavas ĝeneralan direkcion pri instruado kaj esplorado
- ↑ Jean-Louis Crémieux-Brilhac. (2012) La scienca politiko de Pierre Mendès France. Armand Colin, p. 192.
- ↑ Dekreto n° 2006-572
Vidu ankaŭRedakti
Vidu ankaŭRedakti
Oficialaj tekstojRedakti
- france Dekreto n° 2012-777 de la 24-a de majo 2012 pri atribuoj de la ministro pri supera instraudo kaj esplorado
- france Dekreto n° 2006-572 de la 17-a de majo 2006 difinanta la organizadon de la centra administracio de la ministerioj pri edukado kaj supera instruado kaj esplorado